Mattiu 20:22 - Tedim Bible

²² Zeisu in, “Note in na hong ngetna uh na thei kei uh hi. Ka dawn ding hai dawn zo ding na hi uh hiam?” a cih ciangin, “Ka dawn zo ding uh hi,” a ci uh hi.

Tedim Bible Revision 2017

²² Ahi zongin Jesu in, “Na nget uh na thei kei uh hi. Ka thuak ding gimna note in thuak zo ding na hi uh hiam?” ci-in a dot ciangin amaute in, “Ka thuak zo ding uh hi,” a ci uh hi.

Mattiu 20:22 Iomraidhean Croise

Late 75:3

Leitung leh a tunga teengte khempeuh a kilin’ ciangin, a khuampite a kipsakpa in keimah ka hi hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

Isaiah 51:17

Topa’ khut sung panin ama hehna hai a dawn khin, hoina haipi a tawdat dongin a dawn khin Jerusalem aw, nangmah khanglo in nangmah khanglo in la, dingto in.

Isaiah 51:22

Ama mite’ a hu Topa, Topa ahi, na Pasian in hih bangin ci hi: “En un, note’ khut sung panin hoina hai ka lakhia khin hi; ka hehna haipi na dawn nawn kei ding uh hi;

Jeremiah 49:12

Bang hang hiam cih leh Topa in kong cih-inah: Daan thuakna hai dawn ding a, kilawm lo mite nangawn in dawnin thuak veve uh ahih leh note in zong thuak loin om ding na hi uh hiam? Note in daan thuak loin na om kei ding uh a, hai na dawn uh kul ding hi.

Mattiu 26:35

Piter in, “Nang tawh ka si khawm zongin, nangmah kong nial ngei kei ding hi,” a ci kik hi. A nungzuite khempeuh in zong tua mah bangin a ci uh hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Mattiu 26:56

Hih thute khempeuh in Pasian’ kamsangte’ gelhsa Lai Siangtho hong tun’ nading ahi hi,” ci-in mihonpite kiangah a gen hi. Tua ciangin, a nungzuite khempeuh in Topa a taisan uh hi.

Marka 14:36

“Abba, Pa aw, na khempeuh na bawl thei hi. Hih hai kei tawh kipelhsak in; ahih hangin keima deihna bang hi kei hen, nangma deihna bang hi ta hen,” a ci hi.

Luka 12:50

Ahih hangin, baptaizna khat thuak ding ka nei hi. Tua baptaizna ka thuak matengin ka lungkim lo ding hi.

Luka 22:42

khukdin’in, “Pa aw, na deih leh, hih hai kei tawh hong kipelhsak in. Ahih hangin keima deihna bang hi kei hen; nangma deihna bang hi ta hen,” ci-in thu a ngen hi.

Johan 18:11

Tua lai takin Zeisu in Piter kiangah, “Namsau a pai sungah siat kik in. Pa in kei hong piak hai dawn lo ding ka hi hiam?” ci-in a gen hi.

ROM (Romans) 8:26

Tua mah bangin Kha Siangtho in i thahat lohnate hong huh hi. Bang hang hiam na cih uh leh, eite in thunget ding a kilawm bangin thunget ding i thei kei hi. Kha Siangtho mah in muk tawh kipau thei lo tauna tawh, eite ading thu hong ngetsak hi.

Jeim 4:3

Thu na nget uh hangin na deihgawh nopsakna hoih lote na ngah nadingun ngen khial na hih ciangun na ngah kei uh hi.