Mattiu 20:20 - Tedim Bible

²⁰ Tua lai takin Zebedi’ tapate, a nu leh a tate tawh Zeisu kiangah paikhawm uh a, thu khat a ngen uh hi.

Tedim Bible Revision 2017

²⁰ Tua ciangin Zebedi tate James le Johanʼ nu, a ta tegel tawh Jesu kiangah hong pai-in a mai ah khukdinin hong thum hi.

Mattiu 20:20 Iomraidhean Croise

Mattiu 10:2

Sawltak sawm leh nihte a min un: a masa bel Piter kici, Simon leh a naupa Andru, Zebedi’ tapate Jakob leh Johan,

Mattiu 14:33

Gunkuang sungah a omte in, “Pasian’ Tapa na hi takpi hi,” ci-in bokin a bia uh hi.

Mattiu 15:25

Tua numei in va nai a, “Topa aw, hong huh in,” ci-in a bia hi.

Mattiu 2:11

inn sungah a lut uh leh, naupang leh a nu Mari a muh uh ciangin a bia uh hi. Amau van a suah khit uh ciangin kham leh paknamtui leh mirrah a pia uh hi.

Mattiu 27:56

Tua numeite lakah Magdala khua Mari leh Jakob leh Josef nu Mari leh Zebedi’ tate’ nute zong a om uh hi.

Mattiu 28:17

Topa tawh a kimuh uh ciangin a bia uh a, ahih hangin kimkhat in a um khial lai uh hi.

Mattiu 4:21

Tua mun a khen ciangin, unau dang nih, Zebedi’ ta Jakob leh Johan-te, a pa tawh gunkuang sungah ngen khui-a a om a muh ciangin a sam hi.

Mattiu 8:2

Tua lai takin miphak khat in Zeisu kiangah va pai-in bia a, “Topa aw, nong hih nop leh, kei nong damsak zo ding hi,” ci-in a ngen hi.

Marka 15:40

Numei kimkhat in zong gamlapi panin a gal et uh hi. Tua numeite lakah Magdala khua Mari, a nau Jakob leh Joses te’ nu Mari leh Salome a om uh hi.