Mattiu 20:2 - Tedim Bible

² Amah in, ‘Ni khatin peek khat hong pia ning, ci-in nasem dingte tawh a kiciam khit uh ciangin, leenggah lo-ah a sawl hi.

Tedim Bible Revision 2017

² Ni tha ngeina ngun peek khat piak dingin a kithukim khit uh ciangin a leenggah lo ah na a sem dingin pawl khat a kuansak hi.

Mattiu 20:2 Iomraidhean Croise

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

Thuhilh-sia 12:1

Na lungkham hun ding hong tun’ ma, “Nuntakna nuamsa kei ing,” na cih ma hun, na khangno lai takin nang hong Piangsakpa phawk in.

Mattiu 18:28

Ahih hangin, tua nasempa paikhia a, ama dangka zakhat a ba, ama lawmpa’ nasem khat a muh ciangin a gawl meekin, ‘Na leiba hong loh in,’ a ci hi.

Mattiu 20:1

“Vantung Gam in leenggah lo sungah nasem dingte cial dingin zingsanga a kuankhia inn teekpa tawh kibang hi.

Mattiu 20:13

Inn teekpa in tuate khat kiangah, ‘Lawm aw, nangma tungah ka khial kei hi. Note in kei tawh dangka peek khat piak ding i kiciamna mang hilo na hi uh hiam?

Mattiu 20:3

Nai kua ciangin kuankhia leuleu a, midang kimkhat nasem loin sumbuk ah a ding mawkte a muh ciangin,

Mattiu 20:9

Tua ahih ciangin, nitak nai nga lai takin a cialte in hong pai uh a, peekkhat tek a ngah uh hi.

Mattiu 22:19

Phiangsiah dangka hong lak un,” a cih leh denarias peek khat hong paipih uh hi.

Mattiu 9:37

Tua ciangin Zeisu in a nungzuite kiangah, “Buh at ding tampi a om hi. Ahih hangin a at ding mite a tawm hi.

Marka 12:15

Ka pia ding uh hiam, ka pia kei ding uh hiam?” ci-in a dong uh hi. Zeisu in amaute’ simtatna a theih ciangin, “Bang hangin kei hong ze-et na hi uh hiam? Denarias peek khat ka et dingin hong paipih un,” a ci hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Luka 10:35

Zingsang a paikhiat ciangin peek nih la a, zintun’ inn ukpa a piak khit ciangin, “Hih mi na khoi in, a bei khempeuh kong paikik ciangin kong loh ding hi,” a ci hi.

Luka 20:24

“Denarias peek khat hong lak un. Kua lim leh kua min ahi hiam?” ci-in a dot ciangin, “Kaisar kumpipa’ lim leh min hi,” a ci uh hi.

Mangmuhna 6:6

Tua lai takin, “Mangbuh pawta khatah hamu, tang pawta thumah hamu man hen. Sathau leh leenggahzute ahih leh, su kha kei in,” ci-in ganhing lite laizang pan mah bangin aw khat ka za hi.

1 SAMUEL MASA 2:18

Samuel in saihadial siampi puan silhin Topa mai-ah na a sem naupang khat ahi hi.

1 SAMUEL MASA 2:26

Tu-in naupang Samuel a pumpi khangin Topa leh mite’ maipha a ngah toto hi.

1 SAMUEL MASA 3:1

Tu-in Eli’ khut nuai ah naupang Samuel in Topa’ na sem hi. Tua hun lai-in Topa’ kammal manpha mahmah hi; mangmuh muhna om lo hi.

1 SAMUEL MASA 3:21

Tua ciangin Shiloh-ah Topa kilang kik zelzel hi; bang hang hiam cih leh Topa’ thu tawh Shiloh ah Topa mahmah Samuel tungah kilang hi.