Mattiu 20:13 - Tedim Bible

¹³ Inn teekpa in tuate khat kiangah, ‘Lawm aw, nangma tungah ka khial kei hi. Note in kei tawh dangka peek khat piak ding i kiciamna mang hilo na hi uh hiam?

Tedim Bible Revision 2017

¹³ Tua ciangin lo nei pa in amaute khat kiangah, ‘Lawm aw, nang ka hong khem het kei hi. Ni khat sung nasep thaman dingin ngun peek khat piak dingin na thukim sa hi lo ahi hiam?

Mattiu 20:13 Iomraidhean Croise

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

JOB (Job) 35:2

“Job aw, Pasian’ muhna-ah ka paubaang kei hi, na cih ding kilawm lo hi.

JOB (Job) 40:8

Kei a thutang loin hong seh a, nang thutang kisa-in kei hong mawhsak na hi hiam?

Mattiu 20:14

Na sum uh la un la, pai un. A tum nunungte note tawh a kikim ka pia nuam hi.

Mattiu 20:2

Amah in, ‘Ni khatin peek khat hong pia ning, ci-in nasem dingte tawh a kiciam khit uh ciangin, leenggah lo-ah a sawl hi.

Mattiu 22:12

‘Zawl aw, molakna puan silh loin, bang ding hong lut na hi hiam?’ ci-in a dot ciangin tua pa in a dawn’ nading a thei kei hi.

Mattiu 26:50

Zeisu in, “Lawm aw, bawl dinga na hong paina thu na bawl in,” a cih ciangin amaute hong pai uh a, Zeisu a mat khit uh ciangin a kai uh hi.

ROM (Romans) 9:20

Pasian a nial mi aw, nang kua mi na hi hiam? A kibawl mi in, “Bang hangin kei hong hi ci bawl hiam?” ci-in a bawlpa kiangah a gen ding hiam?