Mattiu 2:6 - Tedim Bible

⁶ ‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Mattiu 2:6 Iomraidhean Croise

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

2 SAMUEL NIHNA 5:2

A beisa hunte ah, Saul in kote tungah kumpi ahih lai takin Israelte paikhiatpih in, a tumpihpa in nangmah na hi hi; Topa in nangma kiangah, ‘Nang in keima mi Israelte a cingpa hi-in, Israelte tungah ulian na hi ding hi,’ hong ci hi.” a ci uh hi.

1 KHANG TANGTHU MASATE 2:51

Bethlehem khuapi a sat Salma, leh Bethgader khuapi a sat Haref ahi uh hi.

1 KHANG TANGTHU MASATE 5:2

Judah in a sanggamte lakah a thahat suakin ama sung panin ulian khat a om hangin innluahza pen Josef’ aa ahi hi);

Ezra 2:21

Bethlehem khuami zakhat leh sawmnih-le-thum ahi hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Gamlak-vakna 24:19

Jakob tawh ukna na kisem ding a, khuapi sunga a suaktate kisusia ding!” a ci hi.

Mattiu 2:1

Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Johan 21:16

Khatvei Zeisu in Piter kiangah, “Johan’ tapa Simon aw, kei hong it na hi hiam?” ci-in a dot ciangin, “Ahi hi, Topa aw, nang kong it na thei hi,” a cih ciangin, “Ka tuute na cing in,” a ci hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Efesa 1:22

Pasian in Khazih’ khe nuai-ah na khempeuh khiasukin, na khempeuh tungah a uk lutang suak sakin pawlpi adingin a pia hi.

Kolose 1:18

Amah in pawlpi ahi, pumpi’ lutang ahi hi. Na khempeuh ah amahmah a sangbel a suah nadingin a kipahtawi hi a, misite lakpan Ta upa a suak hi.

Hebru 7:14

Bang hang hiam na cih uh leh, eite Topa in Judah pawl sung pan hong piang hi ci-in a kilang hi. Tua pawl thu-ah siampite thu Moses in kam khat beek a gen kei hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 2:27

kei in ka Pa kiangpan thu ka ngah bangin beel seekte in beelte a suk khap zan bangin, amah in sik ciangkhut tawh a uk ding hi.

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.