Mattiu 2:22 - Tedim Bible

²² Herod’ za a tapa Arkhelaus in luah a, Judah gamah a man’ thu a zak ciangin tua gamah tung ngam lo a, a mang sungah a kihilh ciangin

Tedim Bible Revision 2017

²² Ahi zongin Arkhelaus in a pa Herodʼ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Mattiu 2:22 Iomraidhean Croise

Late 121:8

Topa in, tu-a kipan a tawntungin na pusuahna na sungtumna-ah nang hong kem ding hi.

Late 73:24

Nangma thugenna tawh keimah lam nong lak a, a nung ciangin minthan’na tawh keimah nong sang ding hi.

Isaiah 30:21

Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

Mattiu 1:20

Tua banga a lungngaih lai takin a mang sungah Pasian’ vantungmi khat kilang a, “David’ suan Josef aw, na lawmnu Mari na ten’pih dingin lunghimawh kei in. Ama gaina in Kha Siangtho in a gaisak hi.

Mattiu 2:1

Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Mattiu 2:19

Herod kumpipa a sih khit ciangin Izipt gamah Josef’ mang sungah Pasian’ vantungmi khat kilang kik a,

Mattiu 2:21

Tua ciangin amah tho a, naupang leh a nu sam a, Israel gamah a tung kik hi.

Mattiu 3:13

Tua lai takin Zeisu kibaptaiz dingin Galile gam panin Jordan gun gei Johan kiangah va pai hi.

Luka 2:39

Amaute in Topa’ Thukhamna bangin na khempeuh a bawl khit uh ciangin, Galile gam amau khua Nazareth-ah a ciah uh hi.

Johan 7:52

Amaute in, “Nang zong Galile mi na hi hiam? Galile gam sung pan kamsangpa a piang ngei hiam ci-in na zon’ leh piang ngei lo ci-in na thei ding hi,” a ci uh hi.

1 SAMUEL MASA 16:2

Samuel in, “Bangci pai theih ding ka hi hiam? Saul in za leh, amah in kei hong that ding hi,” a ci hi. Tua ciangin Topa in, “Bawngla khat paipih in la, Topa tungah biakna pia dingin kong pai hi,’ ci in.