Mattiu 19:29 - Tedim Bible

²⁹ Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Tedim Bible Revision 2017

²⁹ Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah za khat ngahkikin, nuntak tawntungna zong a ngah ding uh hi.

Mattiu 19:29 Iomraidhean Croise

Thuhilh-sia 3:6

Zon’ hun om a, mansuah hun om hi. Kep hun om a, paihkhiat hun om hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Mattiu 13:8

Kimkhatte in lei hoihna-ah kia a, a zah zakhat, a zah sawmguk, a zah sawmthumin a gah hi.

Mattiu 16:25

Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hangin a nuntakna a mangsakte in nuntakna a ngah kik ding hi.

Mattiu 19:16

Tua lai takin mi khat in Zeisu kiangah va nai a, “Sia aw, nuntak tawntungna ka ngah nadingin, a pha bang ka bawl ding hiam?” ci-a a dot ciangin,

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Mattiu 5:11

Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Luka 14:26

Amah kihei a, “Kei kiangah hong pai nuamte in a nute, a pate, a zite, a tate, a sanggampate, a sanggamnute ahi zongin, tua tham loin ama nuntakna nangawn a muhdah kei leh, keima nungzui a suak zo kei ding hi.

Luka 5:11

Amaute in tuipi geiah gunkuang a khawlsak khit uh ciangin, amaute neihsa khempeuh nusia-in Zeisu’ nung a zui uh hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Johan 4:36

Buh atte in thaman ngah thei a, nuntak tawntung nadingin gah a khawm ding uh hi. Tua bang ahih ciangin, a vawhte leh a atte a lungdam khawm ding uh hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

1 PETER MASA 4:14

Khazih’ min hangin kosiatna na thuak uh leh, thupha na ngah ding uh hi. Bang hang hiam na cih uh leh, minthan’na tawh kipawl kha ahi Pasian’ Kha Siangtho in note tungah a om hi.

3 JOHAN THUMNA 1:7

Bang hang hiam na cih leh, amaute in Topa’ min hangin Gentailte lakah huhna la loin a pai uh hi.