Mattiu 19:28 - Tedim Bible

²⁸ Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Tedim Bible Revision 2017

²⁸ Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 19:28 Iomraidhean Croise

1 KUMPI MASATE 18:31

“Israel in nangma min hi ding hi,” ci-in Topa’ thu a tun’na Jakob tapa minam sawm-le-nihte tawh kizui-in Elijah in suangtum sawm-le-nih la hi;

2 KHANG TANGTHU NIHNATE 9:19

kahlei cial guk mong ciatah khat ciat, humpinelkai sawm-le-nih ding hi. Kumpi gam khatpeuh peuh ah tua tawh a kibang kibawl ngei lo hi.

Ezra 6:17

Amaute in Pasian’ inn apna-in bawngtal zakhat, tuutal zanih, leh tuuno zali go uh a, mawhna hanga biak nadingin Israelte khempeuh adingin a minam phazah tawh kizui-in keeltal sawm-le-nih pia uh hi.

Paikhiatna 15:27

Tua ciangin amaute ciktui sawm-le-nih leh nisuh kung sawmsagih a omna mun Elim tung uh hi; tui gei tua mun-ah amaute in giahphual sat uh hi.

Paikhiatna 24:4

Moses in Topa’ thugente khempeuh gelh hi. Zingsangin amah tho baih a, mual bul-ah biakna tau khat lamin, Israel minam sawm-le-nihte tawh kituakin khuam sawm-le-nih phut hi.

Paikhiatna 28:21

Israel tapate’ min tawh kituakin amaute’ min a omna suang sawm-le-nih om ding hi; tuate in minam sawm-le-nihte’ adingin amau’ min ciat kigelhin, min gelhna tawh kibang ding hi.

Isaiah 65:17

En un, vantung thak leh leitung thak ka piangsak hi; a beisa nate kiciamteh nawn lo, kiphawk kha nawn lo ding hi.

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Siampi Laibu 24:5

“Nangmah in annel la in la, tua panin moh sawm-le-nih bawlin em in; moh khat ciangin annel seu seh sawmsuah seh nih hi ding hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 19:27

Tua lai takin Piter in, “Kote in ka neihsa khempeuh uh nusia-in, nangmah ka hong zui uh hi. Tua ahih ciangin bang ka ngah ding uh hiam?” ci-in a dong hi.

Mattiu 20:21

Zeisu in, “Bang deih na hi uh hiam?” ci-in a dot ciangin, “Topa na Gam sungah ka tapate, na taklam khat, na veilam khat a tut theih nadingun thu hong pia in,” ci-in a ngen uh hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Marka 10:37

“Topa aw, na minthan’na sungah kote na taklam khat, na veilam khat ka tut theih nadingun thu hong pia in,” ci-in a ngen uh hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

2 TIMOTI NIHNA 2:12

I thuak leh, amah tawh i maangkhawm ding hi. Eite in amah i nial leh, Amah in eite hong nial ding hi.

Joshua 3:12

Tua ahih ciangin tu-in Israel minamte sung panin nam khat pan mi khat, mi sawm-le-nih la un.

2 PETER NIHNA 3:13

Ama thuciamna bangin dikna a om van thak leh lei thak eite in i lamen hi.

Mangmuhna 11:16

Tua lai takin Pasian mai-ah amau tokhom tungah a tu uh upa sawmnih leh lite in bokin Pasian bia-in:

Mangmuhna 12:1

Vantungah lamdang lian khat a kilang hi. Numei khat in ni silhin, kha in ama khe nuai-ah omin, aksi sawm leh nih a tuang kumpilukhu a lu tangah a khu hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

Mangmuhna 21:5

Tua nung ciangin tokhom tungah a tu mi in, “En in, na khempeuh ka bawl thak hi,” hong ci hi. Tua tham loin, “Gelh in Hih thute a dikin a man hi,” ci-in thu hong pia hi.

Mangmuhna 22:2

Tua gun lang tuakah nuntakna sing kung khat om a, tua kung tungah a gah pawl sawm leh pawl nih, kha khatin pawl khat ciat a gah thei hi. A tehte in zong mipawl pawlte natna dam nading ahi hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Mangmuhna 4:4

Tokhom kimkotah tokhom adang sawmnih leh li, leh tua tokhomte tungah puanpaak silh, kham kumpilukhu a khu upa sawmnih leh li tu-in a om uh hi.

Mangmuhna 7:4

Israel’ suan mipawlte khempeuh lak panin ciamtehna a ngah mi a kisim zong ka za a, sangkhat leh thenli leh tulli ahi hi. Tuate in: