Mattiu 19:27 - Tedim Bible

²⁷ Tua lai takin Piter in, “Kote in ka neihsa khempeuh uh nusia-in, nangmah ka hong zui uh hi. Tua ahih ciangin bang ka ngah ding uh hiam?” ci-in a dong hi.

Tedim Bible Revision 2017

²⁷ Tua ciangin Peter in, “Kote in na khempeuh nusia-in nang ka hong zui uh hi. Tua ahih ciangin bang ngah ding ka hi uh hiam?” ci-in a dot ciangin

Mattiu 19:27 Iomraidhean Croise

Mattiu 19:26

Zeisu in amaute enin, “Hih thu mite in ahih zo kei uh hi. Ahih hangin Pasian in na khempeuh ahih thei hi,” a ci hi.

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Mattiu 9:9

Zeisu in tua mun panin paikhia a, Mattiu kici mi khat siah don’na buk sungah tu-a om a mu hi. “Ka nung hong zui in,” a cih ciangin ding-in a zui hi.

Marka 10:28

Tua lai takin Piter in, “Kote in ka neihsa khempeuh uh nusia-in nangmah kong zui uh hi,” ci-in gen ding a kipat ciangin,

Marka 2:14

Amah in lam a pai lai takin Alefas’ tapa Levi in siahdon’na buk sungah tu-in a om a mu hi. “Ka nung hong zui in,” a cih ciangin ding-in a zui hi.

Luka 14:33

Tua mah bangin note lakah mi khatpeuh in a neihsa khempeuh a nusiat kei leh, ka nungzui a suak zo kei ding hi.”

Luka 15:29

A ta in, ‘Hih tanvei, kum sawtpi nangma na ka sem zo hi. Nangma thukham khat beek ka khial kei hi. Ahih hangin ka lawmte tawh nopna ka bawl nadingin keelno khat zong khatvei beek nong pia ngei kei hi.

Luka 18:28

Tua lai takin Piter in, “Kote in ka neih khempeuh uh nusia-in nangmah kong zui uh hi,” a cih ciangin,

Luka 5:11

Amaute in tuipi geiah gunkuang a khawlsak khit uh ciangin, amaute neihsa khempeuh nusia-in Zeisu’ nung a zui uh hi.

1 KORIN MASA 1:29

Tua ahih ciangin Pasian mai-ah kuamah a kisathei ding a om kei hi.

1 KORIN MASA 4:7

Kua in note hong kilamdang sak hiam? Na ngah loh, na san’ loh uh khat beek na nei uh hiam? Na ngah, na san’ uh leh, a sang lo, a ngah lo bangin bang hangin kisathei na hi uh hiam?

Thu-hilhkikna 33:9

a nu leh a pa sangin nang hong thupi ngaihsut zaw a, ‘Amaute ka thupisim kei hi,’ a ci pa ahi hi; amah in a sanggamte paai khia-in, a tate don lo hi. Bang hang hiam cih leh amaute in na thu mangin, na thuciamna zui uh hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.