Mattiu 19:26 - Tedim Bible

²⁶ Zeisu in amaute enin, “Hih thu mite in ahih zo kei uh hi. Ahih hangin Pasian in na khempeuh ahih thei hi,” a ci hi.

Tedim Bible Revision 2017

²⁶ Ahi zongin Jesu in amaute enin, “Mihingteʼ hih zawh ding hi lo mah hi; ahi zongin Pasian in na khempeuh hih thei hi,” a ci hi.

Mattiu 19:26 Iomraidhean Croise

Piancilna 18:14

Na khatpeuh peuh Topa’ adingin haksa lua ahi hiam? A kisehsa kumkik ciangin nang' kiangah kong pai kik ding a, Sarah in tapa khat nei ding hi,” ci hi.

1 KUMPI MASATE 17:16

Elijah’ tung tawnin Topa’ thugen bangin beel sunga annel bei lo a, um sunga sathau in zong tamasak lo hi.

JOB (Job) 42:2

“Topa aw, vangliatna khempeuh na neihna, na hih nop khempeuh na hih theihna thu ka thei hi.

Late 3:8

Hotkhiatna in Topa, Nangma hang ahi hi; na mite tungah na thupha hong tung ta hen!

Late 62:11

Pasian in khatvei thu gen khin hi, ke’n hih thu nihvei za khin ing; vangliatna in Pasian’ neihsa ahi hi;

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Jeremiah 32:27

“En in, Keimah in Topa ka hi a, mi khempeuhte’ Pasian ka hi hi. Kei adingin a haksa lua bang om ahi hiam?

Zekhariah 8:6

Tu-in a om lai note adingin hih thu a hi thei lo ding tawh a kibat hangin kei adingin ahi mawh ding thu hi lo hi.

Gamlak-vakna 11:23

Topa in Moses kiangah, “Topa’ hih theih ding zah kiciangtan sa na hi hiam? Ka thugen a manin hong tun’ leh hong tun’ loh tu-in na mu ding hi,” a ci hi.

Mattiu 19:25

A nungzuite in tua thu a zak uh ciangin, lamdang mahmah a sa uh hi. “Tua bang ahih leh, kua in gupna ngah zo ding hiam?” a ci uh hi.

Mattiu 19:27

Tua lai takin Piter in, “Kote in ka neihsa khempeuh uh nusia-in, nangmah ka hong zui uh hi. Tua ahih ciangin bang ka ngah ding uh hiam?” ci-in a dong hi.

Marka 10:27

Zeisu in amaute enin, “Hih thu mite in ahih zo kei uh hi. Ahih hangin Pasian in ahih theih loh a om kei hi. Bang hang hiam na cih uh leh, Pasian in na khempeuh ahih thei hi,” a ci hi.

Luka 1:37

Bang hang hiam na cih leh, Pasian in sep theih loh a nei kei hi,” a ci hi.

Luka 18:27

Zeisu in, “Mihing in ahih zawh loh nate Pasian in ahih thei hi,” a ci hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in, vun ki-at lo hih khuacingte kiangah pai ni; Topa in eite adingin hong hih kha ding hi; bang hang hiam cih leh hong hotkhiat nadingin a tam a tawm in Topa nawngkai sak lo ding hi,” a ci hi.