Mattiu 19:19 - Tedim Bible

¹⁹ Na nu leh na pa zahtak in. Na pumpi na it bangin na lawmte zong na it in,” a ci hi.

Tedim Bible Revision 2017

¹⁹ na nu na pa zahtak in; nang na ki-it bangin na veengte na it in, cihnate ahi hi,” a ci hi.

Mattiu 19:19 Iomraidhean Croise

Paikhiatna 20:12

“Topa na Pasian in nang hong piak leitang tungah na khan’ a sau theihna dingin na nu leh pa zahtak in.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

Siampi Laibu 19:3

Note a kuamah peuh in na nu leh na pa uh zahtakin, note in ka sabbath-te na tang ding uh hi; keimah in Topa na Pasian uh ka hi hi.

Mattiu 19:20

Tua tangvalpa in, “Tua thu khempeuh ka tang zo hi. Bang sam lai ka hi hiam?” a cih kik ciangin,

Mattiu 22:39

Na pumpi na it bangin na lawmte zong na it in, a cihna thukham nihna in tua a masa thukham tawh kibang hi.

Mattiu 5:43

“Na pawlte na it in, na galte na mudah in a cihna thu na za zo uh hi.

Luka 10:27

amah in, “Na Topa Pasian, na lungsim khempeuh, na kha khempeuh, na thahatna khempeuh, na pilna khempeuh tawh na it in. Na pumpi na it bangin na lawmte na it in,” ci-in a gen hi.

ROM (Romans) 13:9

Bang hang hiam na cih uh leh, “Mi’ zi tawh na mawh kei in, Mi na that kei in, Mi’ na na gu kei in, Mi’ na na deihgawh kei in, a cihna thukhamte akipan adang thukham khempeuh in, “Na pumpi na it bangin na lawmte na it in,” cihna thukham khat sungah a om uh hi.

Galati 5:14

Bang hang hiam na cih uh leh, “Na pumpi na it bangin na lawmte na it in,” a cihna thukham na zuih uh leh, Thukham khempeuh a zui khin na suak uh hi.

Thu-hilhkikna 5:16

“Topa na Pasian in hong piak leitang tungah na khan’ sau-in na nopsak theih nadingin Topa na Pasian in hong thupiak bangin na nu na pa zahtak in.

Jeim 2:8

“Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.