Mattiu 18:8 - Tedim Bible

⁸ Na khut ahi zongin, na khe ahi zongin, hong puksak leh, na khut na khe sattan in la, paii in. Khut leh khe kim nei-in tawntung meikuang sungah khulna na thuak sangin, khut bui, khe bui, a poi sa-in nuntakna sungah na tum leh, nang ading a hoihzaw ding hi.

Tedim Bible Revision 2017

⁸ “Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang adingin hoih zaw ding hi.

Mattiu 18:8 Iomraidhean Croise

Isaiah 30:22

Tua ciangin note in ngun tawh a kizut na milimte uh leh kham a kiluan’ a kisung na milimte uh numei nindalna puan bang hi. Nin bangin tuate na thehthang ding uh a, tuate tungah, “Bei mang un!” na ci ding uh hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?

Mattiu 17:27

Ahih hangin, tua mite in eite’ hangin a puk loh nadingun, tuili-ah pai in la, nga thang va siah in. Nga na mat masak la in la, a kam na phen ciangin peekkhat na mu ding hi. Tua dangka la in la, kei ading leh nang adingin siahdongte na pia in,” a ci hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Luka 14:33

Tua mah bangin note lakah mi khatpeuh in a neihsa khempeuh a nusiat kei leh, ka nungzui a suak zo kei ding hi.”

Luka 16:24

‘Pa Abraham aw, kei hong hehpih in, Lazaras in a khutme dawn tui ah diah hen la, ka lei hong votsak nadingin ka kiangah hong sawl in. Bang hang hiam na cih leh, hih meikuang sungah gimna nakpi ka thuak hi,’ ci-in a kiko hi.

ROM (Romans) 13:12

Zan a bei dektak hi, sun hong nai zo hi. Tua ahih ciangin khuamial gamtatna paaikhia-in khuavak galnan’na silh ni.

Mangmuhna 14:10

Pasian’ hehna hai-ah a kihel khawm lo-a kikoih hehna leenggahzu tua mi in a dawn ding hi. Tua tham loin a siangtho vantungmite mai leh Tuuno’ mai-ah tua mi in mei leh kat tawh bawlsiatna a thuak ding hi.

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.