Mattiu 18:28 - Tedim Bible

²⁸ Ahih hangin, tua nasempa paikhia a, ama dangka zakhat a ba, ama lawmpa’ nasem khat a muh ciangin a gawl meekin, ‘Na leiba hong loh in,’ a ci hi.

Tedim Bible Revision 2017

²⁸ “Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Mattiu 18:28 Iomraidhean Croise

Nehemiah 10:31

Hih mite in sabbath ni-in van ahi a, an ahi zongin hong zuak leh sabbath ni leh ni siangtho khat peuhpeuh ni-in i lei kei ding hi. Kum sagihna-a an piangte lo-ah nusia-in tua kumin leiba khempeuh i maisak ding hi.

Nehemiah 5:7

Kei zong hih thu lim takin ka ngaihsun a, tua ciangin uliante leh thukhente tai-in amaute kiangah, “No leh no lei kibat manin ameet na kila uh hi,” ka ci hi. Amaute nakpi takin tai-in,

Paunak 28:3

Mizawngte a bawlsia aana nei mipa in, lo-a ante a susia gawp guahzu tawh kibang hi.

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Mattiu 18:27

a topa in hehpih a, a leiba khempeuh maisakin a khah hi.

Mattiu 18:29

Tua nasempa bokin, ‘Kei hong hehpih in la, na ngak lai in, ka leiba khempeuh kong loh ding hi,’ ci-in a thuum hangin,

Mattiu 20:2

Amah in, ‘Ni khatin peek khat hong pia ning, ci-in nasem dingte tawh a kiciam khit uh ciangin, leenggah lo-ah a sawl hi.

Marka 14:5

Tua paknamtui dangka za thumin kizuakin mizawngte a kipia thei hi,” a cih khit uh ciangin, tua numei a mawhsak uh hi.

Marka 6:37

Zeisu in, “Amau nek ding an note’n na pia ding uh hi,” a ci hi. Amaute in, “Kote pai-in dangka zakhat tawh khomun ka lei khit uh ciangin, amaute nek dingin ka pia ding uh hiam?” ci-in a dong uh hi.

Luka 10:35

Zingsang a paikhiat ciangin peek nih la a, zintun’ inn ukpa a piak khit ciangin, “Hih mi na khoi in, a bei khempeuh kong paikik ciangin kong loh ding hi,” a ci hi.

Luka 7:41

Zeisu in, “Sum neipa khat in leiba mi nih a nei hi. Khat in dangka zanga, khat in dangka sawmnga a ba hi.

Johan 6:7

Filip in, “Mi a vekpi-in themkha khat tek a ngah nadingun dangka zanih man khomun a cing kei ding hi,” ci-in a dawng hi.

Thu-hilhkikna 15:2

Hih in maisak nading zia ahi hi: leitawi a pia mi khempeuh in a vengte tungah leitawi a, a piaksate maisak ding hi: Topa’ maisakna kigen khin ahih manin a vengpa’ sanggampa tung pan leiba siik lo ding hi.