Mattiu 18:25 - Tedim Bible

²⁵ Tua pa in a leiba loh nading nei lo ahih ciangin, ‘Amah a kipan, a zite, a tate, a sum khempeuh zuakin a leiba hong loh ta hen,’ a topa in a ci hi.

Tedim Bible Revision 2017

²⁵ Tua nasem pa in a sum loh zo lo ahih manin amah a kipan a zi a tate le a neih khempeuh zuakin a leiba a loh nadingin kumpipa in thu a pia hi.

Mattiu 18:25 Iomraidhean Croise

2 KUMPI NIHNATE 4:1

Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

Nehemiah 5:5

Amaute in, “Kote in ka behte uh mah bangin si-le-sa kibang hi-in, ka naupangte uh zong amau’ naupangte mah bangin a hoih hi napi-in, ka tanute uh leh ka tapate uh sal suak dingin ka phum uh hi. Ka tanute uh pawlkhat zong sal suak khin a, ka lote uh leh ka leenggui lote uh midangte’ aa suak khin ahih manin amaute tat nadingin ka hih zawh uh bangmah om lo hi,” hong ci uh hi.

Nehemiah 5:8

”Mi namdangte tungah sal-a kizuaksa i Judah mipihte ahi zo zahzahin i tanh kik hi; tua hi napi-in note in na mipihte uh na zuak uh a, tu-in amaute i tat kik ding hi zel hi!” ka ci hi. Amaute pau loin om uh a, a gen ding mel uh thei lo uh hi.

Paikhiatna 21:2

Hebru mi sila khat na lei ciangin, amah in kum guk sung nasem ding a, a kum sagihna ciangin bangmah pia loin suakta-in amah paikhia ding hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Siampi Laibu 25:39

“Na gei-a na sanggampa zawngin, nangma tungah amahmah hong kizuak leh, sila bangin na na sem sak kei ding hi:

Mattiu 18:24

A ciamtehna lai a et lai takin, talen tulsawm a ba nasempa khat a mai-ah hong paipih uh hi.

Luka 7:42

Amaute in leiba loh nading a neih loh uh ciangin sum neipa in, tuate gel’ leiba a maisak hi. Tua bang ahih leh, tua nihte lakah kua pen in sum neipa a it zaw ding hiam?” ci-in a dong hi.