Mattiu 18:12 - Tedim Bible

¹² Bangci na lungngai uh hiam? Tuu zakhat a neipa in, a tuu khat mangthang leh, tuu sawmkua-le-kua nusia a, mualtungah a mangthang tuu khat zong thei hilo ahi hiam?

Tedim Bible Revision 2017

¹² Note in bangci ngaihsut na hi uh hiam? Mi khat in tuu za khat nei henla, a tuute khat mang leh, mual tungah a gamta a dang sawm kua le kuate nusia-in tua a mang pen a zong dingin kuan khia ding hi lo ahi hiam?

Mattiu 18:12 Iomraidhean Croise

1 KUMPI MASATE 21:17

Tua ciangin Tishbe khuami Elijah tungah Topa’ thu hong tung a,

Late 119:176

A gammang tuu bangin lam ka pial khin hi; tua ahih manin na nasempa hong zong in. Bang hang hiam cih leh nangma thupiaknate ka pelh kei hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lam khialin a gam man’ pih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siat nading hun lai takin a kithehthangna uh mun khempeuh panin ka kaikhawm ding hi.

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Ezekiel 34:28

Gamdang mite in hih gawpgawp nawn lo ding uh a, gamsate in thatin ne nawn lo ding uh hi. Amaute lungmuang takin om ding uh a, kuamah in lausak nawn lo ding uh hi.

Ezekiel 34:4

Tuu zawngkhalte na khoi kei uh a, a cinate na damsak kei uh a, a liammate na tuamsak kei uh a, a lam pialte na khiang kei uh a, a mangte na zong kei uh hi. Na tuaci bawl gen loh uh, ngong bawlin na uk gawp zaw sop uh hi.

Ezekiel 34:6

Tua ahih manin ka tuute kithehthang gawp uh a, mual tungte leh mualsang tung khempeuh ah vak mang uh hi. Leitung gam khempeuh ah ka tuute kithehthang uh a, kuamah in zon’ ding kan dingin ngaihsun lo uh hi.

Mattiu 12:11

Zeisu in, “Ama tuu khat bek a neih Nipi ni-in leihawm sungah kia leh, a lakhia lo ding note lakah kua om ahi hiam?

Mattiu 18:13

A muh leh, a mangthang lo tuu sawmkua leh kuate sangin, a mang tuu pen tungah a lungdam zaw hi, aman takpi-in kong ci hi.

Mattiu 21:28

“Note in bangci ngaihsut na hi uh hiam? Mi khat in tapa nih a nei hi. Tua pa a ta lianpen kiangah pai a, ‘Ka ta aw, tuni-in ka leenggah lo-ah kuanin va sem in,’ a cih ciangin,

Mattiu 22:42

Kua ta hi na ci uh hiam?” ci-in a dot ciangin, “David’ Tapa hi,” a ci uh hi.

1 KORIN MASA 10:15

Lungpil mi kiangah ka gen mah bangin note kiangah kong gen hi. Ka thu na ngaihsun un.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.