Mattiu 17:6 - Tedim Bible

⁶ A nungzuite in tua thu a zak uh ciangin lau mahmahin a bok uh hi.

Tedim Bible Revision 2017

⁶ Nungzuite in hih awging a zak uh ciangin leilak ah bok suk uh a, lamdang a sa mahmah uh hi.

Mattiu 17:6 Iomraidhean Croise

1 KHANG TANGTHU MASATE 21:16

Tua ciangin David khuadak to a, leitung leh vantung kikalah Topa’ vantungmi ding-in a khut sungah a kidoksa namsau khat omin Jerusalem tungah a zan mu hi. Tua ciangin David leh a upate puanhampi silhin mai puk uh hi.

Ezekiel 3:23

Tua ahih manin kei zong kuam sungah ka va pai a, Khebar Gun gei-a ka muh bang teek mahin tua lai-ah Topa’ minthan’na ka mu hi. Kei zong lei-ah ka bok suk a,

Ezekiel 43:3

Hih ka maang muhna pen, Pasian in Jerusalem khuapi susia dingin a pai lai-a ka muh leh Khebar Gun gei-a ka muh tawh kibang hi. Tua ciangin thakhatin leilak kiden’na-in ka boksuk hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Siampi Laibu 9:24

Topa mai panin mei hong piang khia-a meihal biakna leh biakna tau tunga om sathau kang hi; mi khempeuh in a muh uh ciangin, amaute awng uh a, lei maingatin puksuk uh hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 17:7

Zeisu hong pai a, a khutin lawng a, “Tho un, lau kei un,” a cih ciangin

Sawltak 22:7

Lei tungah ka puk ciangin, ‘Saul aw, Saul aw, bang hangin kei hong bawlsia na hi hiam?’ ci-in hong ci aw ka za hi.

Sawltak 26:14

Kote khempeuh in lei tungah ka puk lai takun, ‘Saul aw, Saul aw, bang hangin hong bawlsia na hi hiam? Ciang hiam na khe tawh peek leteh a haksa hi,’ ci-in Hebru kamin a hong ci aw khat ka za hi.

2 PETER NIHNA 1:18

Kote in mual siangtho tungah Topa tawh ka omkhawm lai takun, van panin tua aw ka za uh hi.

Thukhente 13:20

Biakna tau panin vantung lamah meikuang a paitoh ciangin, Manoah leh a zi in a et lai takun biakna tau meikuang sungah Topa’ vantungmi kahto hi; tua ciangin amaute lei lakah bok uh hi.

Thukhente 13:22

Manoah in a zi kiangah, “Pasian mu khin i hih manin i si taktak ding hi,” a ci hi.