Mattiu 17:27 - Tedim Bible

²⁷ Ahih hangin, tua mite in eite’ hangin a puk loh nadingun, tuili-ah pai in la, nga thang va siah in. Nga na mat masak la in la, a kam na phen ciangin peekkhat na mu ding hi. Tua dangka la in la, kei ading leh nang adingin siahdongte na pia in,” a ci hi.

Tedim Bible Revision 2017

²⁷ Ahi zongin amauʼ nasepna a nawngkaisak i suahkhak loh nadingin tuili ah nga siahna sikkawi va khia inla, a awk masa penpen hong kai khia in. Tua a ngasa kam sung en lecin dangka tang peek khat na om ding hi. Tua sum la inla, ei tegel adingin biakinn siah va pia in,” a ci hi.

Mattiu 17:27 Iomraidhean Croise

Piancilna 1:28

Pasian in amaute thupha pia a, Pasian in amaute' tungah, “Ci pha-in tampi pha un la, leitung dimin zo un; tuipi ngasate' tung, huih lak vasate' tung, leitungah a gamtaang, a nungtate khempeuh' tungah ukna nei ta un,” ci hi.

1 KUMPI MASATE 17:4

Nangmah in lui panin tui na dawn ding hi; tua lai-ah nangmah hong vaak dingin va-akte thu ka pia zo hi,” a ci hi.

Late 8:8

huih lak-a leeng vasate, tui sunga om ngasate, tui’ lampi-a tawn khempeuhte, na khempeuh ama khe nuai-ah na koih hi.

Jonah 1:17

Ahih hangin Jonah a nawmvalh dingin Topa in ngapi khat a geelkholh sa hi a, tua ngapi’ gil sungah Jonah sun thum leh zan thum sung a om hi.

Jonah 2:10

Tua ciangin Topa in tua ngapi sawl a, amah in lei keu tungah Jonah a luakhia hi.

Mattiu 17:26

Piter in, “Midangte tungah dong ahi uh hi,” a ci hi. Zeisu in, “Tua bang ahih leh, a tate a peng uh hi.

Mattiu 18:6

“Kei hong um hih naupang khat a puksak mi peuhmah in, a ngawng ah an gawina suang lian khat khih-in, tuipi thuk sungah a tumcip leh, amah ading a hoihzaw ding hi.”

Mattiu 18:8

Na khut ahi zongin, na khe ahi zongin, hong puksak leh, na khut na khe sattan in la, paii in. Khut leh khe kim nei-in tawntung meikuang sungah khulna na thuak sangin, khut bui, khe bui, a poi sa-in nuntakna sungah na tum leh, nang ading a hoihzaw ding hi.

Mattiu 5:29

Tua ahih ciangin na mit taklam in hong puksak leh, khelkhia inla paai in. Bang hang hiam na cih leh, na pumtangin hel khua sungah na kiat sangin na na khat kisia leh, nang adingin a phazaw ding hi.

Mattiu 5:30

Na khut taklam in hong puksak leh, sat tan inla, paai in. Bang hang hiam na cih leh, na pumtangin hel khua sungah na pai sangin, na na khat kisia leh, nang adingin a phazaw ding hi,”

Marka 9:42

“Kei hong um hih naupang khat a puksak mi peuhmah in a ngawngah an-gawina suang lian khat khihin tuipi sungah kikhia leh, ama ading a hoihzaw ding hi.

Marka 9:43

Na khut in hong puksak leh, na sattan in.

Luka 17:2

Hih naupangte khatpeuh a puksakpa in a ngawngah an-gawina suang khihin tuipi thuk sungah tumcip leh, ama ading a hoih zaw ding hi.

Johan 6:61

Ahih hangin Zeisu in tua thu hangin ah a nungzuite in a phunpihna thu a sin sungah a theih ciangin, “Hih thu in note hong puksak hiam?

ROM (Romans) 14:21

Sa nekna, leenggahtui dawnna-a kipan na u na nau puk nading na khempeuh tan’huai hi.

1 KORIN MASA 8:13

Tua ahih ciangin ka annekna, ka tuidawnna in ka u ka nau a puksak leh, ka u ka nau ka puksak loh nadingin sa ka tang tawntung ding hi.

1 KORIN MASA 8:9

Ahih hangin note in na ngah uh hih thu in upna neute puk khakna a suah loh nadingin na kikem un.

2 KORIN NIHNA 6:3

Ka nasepna uhah mawhsakna a om loh nadingin kipuk nading sukkhakna khat beek ka hih kei uh hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

1 THESALONIKA MASA 5:22

khialhna nam kim na tang un.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?