Mattiu 17:23 - Tedim Bible

²³ Tua mite in amah a that ding uh hi. Ni thum ni-in a thokik ding hi,” ci-in a nungzuite a hilh ciangin, amaute a dah mahmah uh hi.

Tedim Bible Revision 2017

²³ mite in a that ding uh hi. Ahi zongin a ni thum ni-in kihingkiksak ding hi,” a ci hi. Tua thu a zak uh ciangin nungzuite a dah mahmah uh hi.

Mattiu 17:23 Iomraidhean Croise

Late 16:10

Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

Late 22:15

ka thahatna in leibeel phel bangin keu a, ka leii zong toncip hi; nangmah in sihna leivui sungah kei nong koih hi.

Isaiah 53:7

Amah kinengniam-in, amah gimna a kithuaksak hangin amah kam khat beek pau lo hi; sa gote kiangah a kipaipih tuuno leh a mul mette mai-ah a kipaipih tuu a ham loh mah bangin, ama kam khat beek pau lo hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Mattiu 17:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin, tua mangmuhna thu kuamah kiangah na gen kei un,” ci-in a nungzuite a kham hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 27:63

“Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Marka 8:31

Zeisu in, “Mihing Tapa in gimna tampi thuak ding a, upate, siampi liante, leh laitheite in nial ding uh a, amah in thahna thuakin ni thum khit ciangin a thokik ding hi,” ci-in tua a kipanin a nungzuite a hilh hi.

Marka 9:30

Tua mun panin amaute paikhia uh a, Galile gam paltanin kuamah in a theih ding a ut kei hi.

Johan 16:6

Ahih hangin hih thute note kiangah kong gen ciangin, note lungsung uh dahna tawh a kidim zo hi.

Johan 2:19

Zeisu in zong, “Hih biakna innpi na phel gawp uh leh, ni thum sungin ka lamkik ding hi,” a ci hi.