Mattiu 17:22 - Tedim Bible

²² Galile gamah a om lai takun Zeisu in, “Mihing Tapa mite khut tungah a kipia ding hi.

Tedim Bible Revision 2017

²² Galilee gam sungah a om laitakin Jesu in a nungzuite kiangah, “Mihingte khut sungah Mihing Tapa kipia dinga,

Mattiu 17:22 Iomraidhean Croise

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 17:12

Ke’n kong cih-inah Elijah hong tung zo a, mite in amah a theih loh manun, ama tungah ahih nop bangun ahih zo uh hi. Tua mah bangin Mihing Tapa in zong tua mite khut tungah a thuak ding hi,” a cih ciangin,

Mattiu 17:23

Tua mite in amah a that ding uh hi. Ni thum ni-in a thokik ding hi,” ci-in a nungzuite a hilh ciangin, amaute a dah mahmah uh hi.

Mattiu 17:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin, tua mangmuhna thu kuamah kiangah na gen kei un,” ci-in a nungzuite a kham hi.

Mattiu 24:10

Tua lai takin mi tampi a puk ding uh a, khat leh khat a kiheek ding uh hi, khat leh khat a kimudah ding uh hi.

Mattiu 26:16

Tua a kipan Judas in amaute khut sungah Topa a piak theih nading a zong hi.

Mattiu 26:46

Tho un, pai ni. Kei hong lehheekpa hong nai zo hi,” a ci hi.

Marka 8:31

Zeisu in, “Mihing Tapa in gimna tampi thuak ding a, upate, siampi liante, leh laitheite in nial ding uh a, amah in thahna thuakin ni thum khit ciangin a thokik ding hi,” ci-in tua a kipanin a nungzuite a hilh hi.

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Luka 24:46

Khatvei Zeisu in,, “Khazih in sihna thuak a, ni thum khit ciangin thokik ding a;

Luka 9:22

“Mihing Tapa in gimna tampi thuak ding a, upate, siampi liante leh laitheite in nial ding uh a, amah in thahna zong thuak ding a, ni thum khit ciangin a thokik ding hi,” a ci hi.

Luka 9:43

Amau khempeuh in Pasian’ vangliatna lamdang a sa uh hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

1 KORIN MASA 11:23

Bang hang hiam na cih uh leh, note kiangah ka hong piak thu in Topa kianga ka ngahsa hi. Ka ngahna in: Topa Zeisu a galte’ khut sungah a kipiak ding nitakin khomun la a,