Mattiu 17:2 - Tedim Bible

² amaute mai-ah a meel kilamdang a, a maitang ni bang tang a, a puan in khuavak tawh kibangin a ngo hi.

Tedim Bible Revision 2017

² Tua lai mun panin amauteʼ muh tangpi mahin Jesu a mel kikheel a, a maitang ni bangin taangin, a puante khuavak bangin a ngo hi.

Mattiu 17:2 Iomraidhean Croise

Late 104:2

Puanza bangin, khuavak tawh nang na kituam a, vantungte pen puanbuk bangin na zal hi.

Solomon la 6:10

Zingsang khuavak tawh a kibang, hih nungak, kua ahi hiam? Amah a mel hoih mahmah a, nitaang khataang, a bang hi.

Mattiu 17:1

Ni guk khit ciangin Zeisu in Piter, Jakob leh a nau Johan-te samin, mualsang tungah, gam daihna munah paipih a,

Mattiu 17:3

Amau kiangah Moses leh Elijah kilang a, Zeisu tawh a kiho uh hi.

Mattiu 28:3

Ama meel in khuaphialep bang hi a, a puan zong vuuk bangin a paak hi.

Marka 9:3

a puan zong leng a, hih leitungah puansawp mi kuamah in a paaksak zawh loh ding zah dongin a paak mahmah hi.

Luka 9:29

Thu a nget lai takin a meel kilamdang a, a puan zong paak a, a leng mahmah hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Mangmuhna 10:1

Tua ciangin adang a thahat vantungmi khat in vantung meii silhin vantung pan hong kumsuk ka mu hi. Ama lutang tungah sakhituihup a om hi, a maitang ni bang ahi hi, a khete meikuang bang ahi hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.