Mattiu 17:18 - Tedim Bible

¹⁸ Zeisu in tua dawi a taai ciangin, naupang sung pan paikhia a, tua hun akipanin naupang a dam hi.

Tedim Bible Revision 2017

¹⁸ Jesu in tua naupangʼ sung panin dawi a paikhiat nadingin thu pia a, a naupang thakhatin a dam pah hi.

Mattiu 17:18 Iomraidhean Croise

Mattiu 12:22

Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Mattiu 15:28

Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Mattiu 17:19

Tua ciangin a nungzuite in gamdaihna mun, Zeisu kiangah va nai uh a, “Kote in tua dawi bang hangin hawlkhia zo lo ka hi uh hiam?” ci-in a dot uh leh,

Mattiu 9:22

Zeisu kihei a, tua numei a muh ciangin, “Ka tanu aw, na lunghimawh kei in. Na upna in nang hong damsak zo hi,” a cih ciangin, thakhatin a dam pah hi.

Marka 1:34

Zeisu in cinatna nam tuamtuam a vei tampi damsak a, dawi tampi a hawlkhia hi. Dawite in Zeisu a theih manun ah kamkhat beek gen lo dingin a kham hi.

Marka 5:8

Hih thu bang hangin a gen hiam i cih leh, “Kihhuai dawi aw, tua mipa sung pan taikhia in,” ci-in Zeisu in thu a pia zo hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 8:29

Hih thu bang hangin a thuum hiam i cih leh, Zeisu in kihhuai dawi in tua pa sung pan a taikhiat nadingin thu a pia hi. Dawi in tua pa tamveipi a man zo hi. Sikkhau tawh kihen a, kolbulh in, a kikhum hangin, a sikkhau peeksat a, dawi in gampa lakah a hawlkhia hi.

Luka 9:42

A pai lai takin dawi in naupang lei ah puksakin a kongkawsak hi. Zeisu in kihhuai dawi taai a, naupang a damsak khit ciangin a pa kiangah a pia hi.

Sawltak 16:18

Tua bangin ni tampi a hih hi. Paul in lungdam lo a, kihei-in, “Zeisu Khazih’ min tawh ama sung pan na paikhia in, thu kong pia hi,” a cih ciangin tua dawi in thakhatin a taikhia hi.