Mattiu 16:4 - Tedim Bible

⁴ Gilo a pangtat khang mite in lim a nget uh hangin, Pasian’ kamsangpa Jonah lim longal lim dang a kilak kei ding hi,” a cih khit ciangin tua mite’ omna pan a paikhia hi.

Tedim Bible Revision 2017

⁴ Tu lai hun mite giloin, Pasian tawh kipawl lo uh hi. Lim a nget uh hangin Jonah lim sim loh a dang kilak lo ding hi,” ci-in a dawng hi. Tua ahih manin amaute nusia-in a paisan hi.

Mattiu 16:4 Iomraidhean Croise

Piancilna 6:3

Tua ciangin Topa in, “Ka Kha inmi tawh buai paisuak lo ding hi, bang hang hiam cih leh mihing pumpi in a si thei ci-le-sa hi a, a khan’ in kum za leh kum sawmnih hi ding hi,” ci hi.

Isaiah 57:3

No, aisan numeite’ tapate, numei tawh a mawh mite leh numei pangtatte’ tu-le-tate aw, hih lai-ah hong nai un.

Hosea 4:17

Israel mite, milim biak uuk lua uh a, cih theih hi lo hi.

Hosea 9:12

Amaute in ta a khoi uh hangin suan-le-khak a neih theih ma-un ka khan’sihsak khin ding hi. Hih mite ka nungngat ciangin amaute tungah a lungkhamhuai lianpite tung ding hi.

Jonah 1:1

Topa in Amittai’ tapa Jonah tungah,

Jonah 1:17

Ahih hangin Jonah a nawmvalh dingin Topa in ngapi khat a geelkholh sa hi a, tua ngapi’ gil sungah Jonah sun thum leh zan thum sung a om hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Mattiu 16:5

A nungzuite gal khatah a pai uh ciangin, khomun puak ding a mangngilh uh hi.

Marka 8:12

Zeisu in a lungsim sungah khuisa a, “Hih khang mite in bang hangin lim a ngen uh hiam? Ke’n aman takpi kong cih-inah, hih khang mite ading lim a kilak kei ding hi,” a ci hi.

Marka 8:38

Mi paktat leh gilo hih khang mite lakah, kei ahi zongin, ka thu ahi zongin a daisak peuhmah Mihing Tapa in zong a Pa minthan’na leh a siangtho vantungmite tawh hong paikhawm uh ciangin, tua mite a daisak ding hi.”

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.