Mattiu 16:3 - Tedim Bible

³ Zingsang ciangin, ‘Khua nim a, van vom ahih ciangin, tu ni-in huih nung a, guah hong zu ding hi,’ na ci thei uh hi. Note in van maitang na khen theih uh hangin, leitung hunte a lim na khen thei kei uh hi.

Tedim Bible Revision 2017

³ Zingsang hun ciangin, ‘Van sanin khua niim ahih manin guah zu ding hi,’ na ci thei uh hi. Note in van maitang na et uh ciangin khua pha ding le khua sia ding khen thei napi-in tu hun thute na theithei kei uh hi.

Mattiu 16:3 Iomraidhean Croise

1 KHANG TANGTHU MASATE 12:32

Issakhar sung panin Israel in bang a sep dingin kilawm cih a thei, hun pai zia a thei ukpi zanih leh amau’ ukna nuai-ah a om amau’ behte khempeuh ahi hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Mattiu 15:7

Isaiah in mi simtat note tungah a kituakin a gen khol hi. Isaiah a genna in:

Mattiu 22:18

Zeisu in amaute gitlohna a theih ciangin, “Mi simtatte aw, bang hangin kei hong ze-et na hi uh hiam?

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 7:5

Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga a om ninneng tang paihkhiat ding na tel muh thei ding hi.”

Luka 11:44

Note in gimna na thuak ding uh hi. Bang hang hiam na cih uh leh, a kilang lo hankhuk tawh kibang na hi uh hi. A tungah a pai mite in han om ci-in a thei kei uh hi,” ci-in a gen hi.

Luka 12:56

Mi simtatte aw, note in van leh lei maitang na khen thei uh hi. Tu lai tak hun bang hangin khen thei lo na hi uh hiam?”

Luka 13:15

Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam?

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.