Mattiu 16:28 - Tedim Bible

²⁸ Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Tedim Bible Revision 2017

²⁸ Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 16:28 Iomraidhean Croise

Mattiu 10:23

Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Mattiu 16:13

Zeisu in Filippi-Kaisaria khua a tun’ ciangin, “Mite in kei, Mihing Tapa kua mi hi hong ci uh hiam?” ci-in a nungzuite a dong hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 24:34

Ke’n aman takpi kong cih-inah, hih khang mite a beima-in, hih thu khempeuh hong piang ding uh hi.

Mattiu 24:42

Bang hang hiam na cih uh leh, na Topa uh hong pai ding ni na thei kei uh hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Marka 13:26

Tua lai takin, vangliatna leh minthan’na tawh Mihing Tapa meii tungah hong kumsuk a mu ding uh hi.

Marka 8:38

Mi paktat leh gilo hih khang mite lakah, kei ahi zongin, ka thu ahi zongin a daisak peuhmah Mihing Tapa in zong a Pa minthan’na leh a siangtho vantungmite tawh hong paikhawm uh ciangin, tua mite a daisak ding hi.”

Marka 9:1

“Ke’n aman takpi kong cih-inah, Pasian Gam in vangliatna tawh hong tung, hih santakah a ding mi kimkhat in a muh matengin a si kei ding uh hi,” a ci hi.

Luka 18:8

Ke’n kong cih-inah, amaute ading thu a khensak mengmeng ding hi. Ahih hangin Mihing Tapa hong kum ciangin leitungah upna a mu ding hiam?” a ci hi.

Luka 2:26

“Topa Khazih na muh matengin na si kei ding hi,” ci-in Kha Siangtho in a hilh zo hi.

Luka 9:27

Ke’n aman takpi kong cih-inah, Pasian’ Gam hih san takah a ding mi kimkhat in a muh uh matengin a si kei ding uh hi,” a ci hi.

Johan 21:22

Zeisu in, “Kong paikik hun matengin hih mi a om nading ka ut leh, nang in bang phamawhsa na hi hiam? Nang na hih leh, ka nung hong zui in,” ci-in thu a pia hi.

Johan 8:51

Ke’n aman takpi kong cih-inah, mi khatpeuh in ka thu a ngaih leh, sihna tawh a tawntungin a kipelh ding hi,” a ci hi.

Johan 8:52

Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

1 KORIN MASA 15:23

Ahih hangin mi khempeuh in amau hun bang a zui ciat ding uh hi. Khazih in a gah masa bel ahi hi. Tu nung ciangin Khazih hong pai ciangin ama mite in thawhkikna a ngah ding uh hi.

Hebru 2:9

Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

2 PETER NIHNA 1:16

Kote in i Topa Zeisu Khazih’ vangliatna ahi zongin, a hong paikikna thu ahi zongin, note kiangah kong gen uh ciangin pilna tawh kibawl tangthu zui loin, a thupitna leh a liatna mu-in teci ka hi uh hi.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.