Mattiu 16:27 - Tedim Bible

²⁷ Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Tedim Bible Revision 2017

²⁷ A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 16:27 Iomraidhean Croise

JOB (Job) 34:11

Pasian in mite a gamtatna tawh kizui-in thaman pia a, a thuak ding uh a kilawm bangin daantat hi.

Late 62:12

Topa aw, itna kip in nangma aa hi. Bang hang hiam cih leh mite ama sepna bangin na thukkik hi.

Paunak 24:12

Ke’n thei kha kei ing, na cih nop hangin, lungsim a thei Pasian in tel veve a, nang hong encik Pasian in hong tel theihna phawk in; mi khempeuh a gamtatna bangin thukkik ding hi.

Thuhilh-sia 3:17

Pasian in sepna bawlna leh na khempeuh ama hun ding sehkhol khin ahih manin, midikte leh migilote thu khen ding hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

Ezekiel 18:20

A si dingpa pen a mawh mipa ahi hi. Ta in pa’ mawhna thuak lo ding a, tua mah bangin pa in ta mawhna thuak lo ding hi. Mi hoihpa in a hoihna thaman ngah ding a, mi gilopa in a gitlohna thaman thuak ding hi.

Ezekiel 7:27

Kumpipa dahin thuum ding a, ulian penpa a cih nading thei loin om cipin, mi khempeuh lau-in liing ding uh hi. Na gamtatna uh tawh kizui-in daan kong pia ding a, midangte tungah thu na khen bangun note tungah thu kong khen ding hi. Hih bangin kong hih ciangin Topa ka hih lamtak na thei ding uh hi,” a ci hi.

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Mattiu 13:41

Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Mattiu 24:30

Tua lai takin van panin Mihing Tapa’ lim a kilang ding hi. Leitung minam khempeuh a kap ding uh a; vangliatna leh minthan’na tawh, Mihing Tapa in meii tungah tuanga hong kumsuk a mu ding uh hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Marka 14:62

Zeisu in, “Ka hi hi. Mihing Tapa in vangliatna ziatlam ah tu a, meii tungah hong kumsuk note in na mu ding uh hi,” a ci hi.

Marka 8:38

Mi paktat leh gilo hih khang mite lakah, kei ahi zongin, ka thu ahi zongin a daisak peuhmah Mihing Tapa in zong a Pa minthan’na leh a siangtho vantungmite tawh hong paikhawm uh ciangin, tua mite a daisak ding hi.”

Luka 21:27

Tua lai takin vangliatna leh minthan’na tawh, Mihing Tapa in meii tungah hong kumsuk a mu ding uh hi.

Luka 22:69

Ahih hangin tu-a kipanin Mihing Tapa in Pasian’ vangliatna ziat lamah a tu ding hi,” a ci hi.

Luka 9:26

Keimah hang ahi zongin, ka thu hang ahi zongin a maizum peuhmah, Mihing Tapa in ama phatna, Pa phatna leh a siangtho vantungmite’ phatna tawh hong pai ciangin, tua mi a maizumsak ding hi.

Johan 21:22

Zeisu in, “Kong paikik hun matengin hih mi a om nading ka ut leh, nang in bang phamawhsa na hi hiam? Nang na hih leh, ka nung hong zui in,” ci-in thu a pia hi.

Johan 21:23

Tua thu hangin sanggamte in, “Tua nungzuipa a si kei ding hi,” ci-in a gen thang uh hi. Ahih hangin, “A si kei ding hi,” ci-in Zeisu in a ci kei hi. “Kong paikik hun matengin tua pa a om nading ka ut leh, nang in bang phamawhsa na hi hiam?” a ci hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

ROM (Romans) 14:12

Tua ahih ciangin eite khempeuh in eima thu tekah Pasian’ thudotna i thuak ding hi.

ROM (Romans) 2:6

Pasian in tua Ni ciangin a gamtatna tek bangin mi khempeuh mawhna a thukkik ding hi.

1 KORIN MASA 15:23

Ahih hangin mi khempeuh in amau hun bang a zui ciat ding uh hi. Khazih in a gah masa bel ahi hi. Tu nung ciangin Khazih hong pai ciangin ama mite in thawhkikna a ngah ding uh hi.

1 KORIN MASA 3:13

mi khempeuh ahihna hong kilang khia ding hi. Bang hong ci kilang ding ahi hiam na cih uh leh, tua Ni-in mei tawh kilangsak ding hi. Mikhempeuh’ nasepna in bang ci nasepna ahi hiam ci-in mei-in a kize-et ding hi.

1 KORIN MASA 8:8

Ahih hangin annek tuidawn hangah Pasian’ maipha kingah lo hi. An tan’na bek tawh ginatna om lo hi; annekna bek tawh a pha zong hi lo hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

Efesa 6:8

Thuhoih bawla gamta mi in sila hi taleh, sila lo hi taleh, Topa khut sung pan thaman a ngah ding na thei ta un.

Kolose 3:25

Bang hang hiam na cih uh leh, dik lo-a gamta mi in ama hihna mawhna a thuak ding hi. Kuama maitang zahtakna a om kei ding hi.

1 THESALONIKA MASA 4:16

Bang hang hiam na cih uh leh, Topa mah in kikona tawh, vantungmi mangpa’ kikona tawh, Pasian’ peengkul tumna tawh, vantung pan hong kumsukin, Khazih sungah a sisa mite in a tho masa ding uh hi.

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

Juda 1:14

Adam pan akipan khang sagihna mi Enok in kamsangpa thu a gen-inah, “Topa in mi khempeuh thukhenin,

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Mangmuhna 20:12

Tua lai takin a si mi a neu a liante in tua kumpi tokhom mai-ah ding-a a om uh ka mu hi. Laibute zong kiphen uh hi. Nuntakna laibu ahi adang laibu khat a kiphen hi. Tua a si mite in a gamtatnate bang laibu sungah a kigelh mah bangin thukhenna a thuak uh hi.