Mattiu 16:23 - Tedim Bible

²³ Zeisu kihei a, “Satan aw, ka nungah kinkhia in. Nang in keima suih khak nading na hi hi. Nang in Pasian thu na ngaihsun kei hi; mite thu bek na ngaihsun hi,” ci-in Piter a taai hi.

Tedim Bible Revision 2017

²³ Ahi zongin Jesu kihei-in Peter kiangah, “Satan aw, ka nungah om in. Hih na ngaihsutnate Pasianʼ ngaihsutna hi loin mihingteʼ ngaihsutna ahih manin ka lam a hong khaktan ding a suak hi,” a ci hi.

Mattiu 16:23 Iomraidhean Croise

Piancilna 3:17

Tua ciangin mipa’ kiangah, “Nangmah in na zi’ thu mangin, ‘Nang in na ne kei ding hi,’ ci-a nang’ tungah kong thupiak singgah ne khin na hih ciangin, nangma’ hangin leitang in samsiatna ngah hi; na nuntak tawntung gimpi-in nasemin, na annek ding na zong ding hi.

2 SAMUEL NIHNA 19:22

Ahih hangin David in, “Note in tu ni-in kei lang bangin na om nadingun no Zeru-iah’ tapate tawh kei bang kisai i hi hiam? Tu ni-in Israel sungah mi khatpeuh kithat ding ahi hiam? Bang hang hiam cih leh tu ni-in Israelte tungah kumpi ka hihna thei hilo ka hi hiam?” a ci hi.

1 KHANG TANGTHU MASATE 21:1

Satan in Israel langpan’ a, Israel mi phazah a sim dingin David hanthawn hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Mattiu 16:22

Tua lai takin Piter in Zeisu sam sim a, “Topa aw, hih thu bangin piangsak kei ta in! Hih thu in nangma tungah a tung kei ding hi,” ci-in seel ding a kipat ciangin,

Mattiu 18:7

“Puk nading om ahih ciangin, leitung mite in gimna a thuak ding uh hi. Bang hang hiam na cih uh leh, puk nading thu a om hi. Ahih hangin, a puksakpa in gimna a thuak ding hi.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Marka 8:33

Zeisu kihei a, a nungzuite a muh ciangin, “Satan aw, ka nungah kinkhia in; nang in Pasian thu na ngaihsun kei hi, mite thu bek na ngaihsun hi,” ci-in Piter a taai hi.

Luka 4:8

Zeisu in zong, “Na Topa Pasian na bia ding hi. Ama na bek na sem ding hi, ci-in Lai Siangtho sungah kigelh hi,” a ci hi.

Johan 6:70

Zeisu in, “sawm-le-nihte hong teel hilo ka hi hiam? Ahih hangin note lakah khat in dawi hilo ahi hiam?” a ci hi.

ROM (Romans) 14:13

Tua ahih ciangin eite in tu-a kipanin khat leh khat thu kisuah loin om ni. Unau khat puk nading ahi zongin, a khialh nading ahi zongin hih loh nadingin na ciamteh zaw un.

ROM (Romans) 14:21

Sa nekna, leenggahtui dawnna-a kipan na u na nau puk nading na khempeuh tan’huai hi.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

Kolose 3:2

Leitungah a om nate lunggulhin om kei un, atung lam nate bek lunggulhin om un.