Mattiu 16:19 - Tedim Bible

¹⁹ Vantung Gam kong hon’nate nang kong pia ding hi. Nang in leitungah na hen khempeuh, vantung gamah kihen ding hi. Leitungah na phel khempeuh, vantungah zong a kiphel ding hi,” a cih khit ciangin,

Tedim Bible Revision 2017

¹⁹ Vantung ki-ukna sung lut nading tawhtangte, nangma tungah kong pia dinga, hih leitungah hoih lo na cihte, vantungah zong a hoih lo hi dinga, hih leitungah hoih hi na cihte, vantungah zong a hoih hi ding hi,” a ci hi.

Mattiu 16:19 Iomraidhean Croise

Isaiah 22:22

David suan leh khakte’ khut nuai-ah aana neihna tawhtang pen ama liangko tungah ka pia ding hi; amah in hong-in, kuamah in khak lo ding hi; amah in khak-in, kuamah in hong lo ding hi.

Mattiu 18:18

“Ke’n aman takpi kong cih-inah, leitungah na hen peuhmah, vantungah a kihen ding hi. Leitungah na phel peuhmah vantungah a kiphel ding hi.

Johan 20:23

Mi’ mawhna na maisak uh leh, tua mi’ mawhna kimaisak ding hi. Mi’ mawhna na maisak kei uh leh, tua mi’ mawhna kimaisak lo ding hi,” ci-in thu a pia hi.

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

2 KORIN NIHNA 2:10

Midangte mawhna na maisak uh leh, tuate’ mawhna keimah in zong ka maisak ding hi. Bang hang hiam na cih uh leh, keimah in mi khat mawhna ka maisak ngei leh, note hong ngaihsunin Khazih’ mai-ah ka maisak hi.

1 THESALONIKA MASA 4:8

Tua ahih ciangin hih thu a nial mi in mi bek nial ahi kei hi, note Kha Siangtho a hong pia Pasian nial ahi hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Mangmuhna 11:6

Tua mite nih in kamsangin a om uh hun lai takin guahzuk loh nadingin vantung khak theihna vangliatna a ngah uh tham loin, tui, sisan a suahsak theih nading ahi zongin, a deih peuhpeuh ciangin leitung pulnatna pawl khempeuh tawh a daantat theih nading thu a nei uh hi.

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Mangmuhna 9:1

Ngana vantungmi in peengkul a tum ciangin vantung pan leitungah hong kia aksi khat ka mu a, tua mi kiangah kuam thukpi hon’na tawh a pia hi.