Mattiu 16:16 - Tedim Bible

¹⁶ Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Tedim Bible Revision 2017

¹⁶ Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Mattiu 16:16 Iomraidhean Croise

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Late 42:2

A nungta Pasian kong deih hi. Cik ciangin keimah hong pai-in Pasian’ maitang en ding ka hi hiam?

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Mattiu 1:16

Jakob’ tapa Josef, Mari’ pasal ahi hi. Tua Mari in Khazih kici Zeisu’ nu ahi hi.

Mattiu 14:33

Gunkuang sungah a omte in, “Pasian’ Tapa na hi takpi hi,” ci-in bokin a bia uh hi.

Mattiu 16:15

Zeisu in, “Note in kei kua mi hi nong ci uh hiam?” ci-in a dot ciangin

Mattiu 26:63

Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Marka 14:61

Khatvei siampi ukpa in, “Nang Thupha a nei, Pasian’ Tapa Khazih na hi hiam?” a cih kik ciangin,

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Johan 11:27

amah in, “Ka um hi, Topa aw, Leitungah hong pai ding Pasian’ Tapa Khazih na hih ka um hi,” a ci hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Johan 6:57

A nungta Pa in hong sawl a, Pa hangin ka nuntak mah bangin, keimah hong nete in kei hangin a nungta ding hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Johan 6:69

Nang in nuntak tawntungna thu na nei hi. Nangmah in Pasian’ misiangtho na hi ci-in kote in umin ka thei uh hi,” a ci hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Sawltak 8:36

Lampi a pai lai takun tui omna-ah a tung uh a,

Sawltak 8:37

Mangpa in, “Tui a om hi. Keimah kibaptaiz loh nadingin bang thu in hong kham ahi hiam?” a ci hi. Filip in, “Na lungsim khempeuh tawh na up leh ahi thei hi,” a ci hi; Mangpa in zong, ‘Zeisu Khazih in Pasian’ Tapa ahihna thu ka um hi,’ ci-in a pulak ciangin,

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

ROM (Romans) 1:4

Rom khua sungah a om misiangtho kikoih Pasian a it khempeuhte kiangah thu kong zasak hi. Tua Topa Zeisu Khazih leh i Pa Pasian’ hehpihna thupha leh nopna in nomau tungah om ta hen. Tua Topa Zeisu’ min hangin mipawl khempeuh in a up nadingin ama kiangah hehpihna thupha leh sawltak-za ka ngah hi. Zeisu Khazih’ mi suah nading hong sapsa note in zong tua mite lakah na om uh hi.

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.

2 KORIN NIHNA 3:3

Koici bang hiam na cih uh leh, note in laitui tawh kigelh hi lo a, a nungta Pasian’ Kha Siangtho tawh kigelh na hi uh ahi zongin, suangpeek tungah kigelh ahi lo, lungtang satak peek tungah kigelh na hi uh ahi zongin, kote’ nasepna ah Khazih laikhak na hihna uh kitel takin na lak zo uh hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in, a nungta lai kua om ahi hiam?

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

1 TIMOTI MASA 4:10

Tua ahih ciangin mi khempeuh Gumpa ahi, a um mite a man takpi a gum, a nungta Pasian, eite in muangin i um a, hahkatin semin, simmawhna zong i thuak hi.

Hebru 10:31

A nungta Pasian khut sungah puk nading thu in a lauhuai taktak thu ahi hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

1 JOHAN MASA 4:15

Zeisu in Pasian’ Tapa ahi ci-a mang mi khempeuh in Pasian sungah om a, Pasian zong tua mi sungah a om hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

1 JOHAN MASA 5:5

Zeisu in Pasian’ Tapa ahi ci-in a um mi sim loh, leitung a zo kua mi ahi hiam?

Mangmuhna 7:2

Tua lai takin a nungta Pasian’ ciamtehna a tawi vantungmi khat in, nisuahna lam pan hong kahto ka mu hi. Tua mi in leitung leh tuipi gimna a bawl thei vantungmi lite kiangah,