Mattiu 16:14 - Tedim Bible

¹⁴ Amaute in, “Mi kimkhat in, ‘Baptaizpa Johan,’ a ci uh hi. Kimkhat in, ‘Elijah’ a ci uh hi. Midangte in, ‘Jeremiah akipan Pasian’ kamsangte khatpeuh hi,’ a ci ciat uh hi,” ci-in a gen uh hi.

Tedim Bible Revision 2017

¹⁴ Amaute in, “Pawl khat in Tuiphumpa Johan hi, hong ci uh hi; pawl khat in Elijah hi, hong ci uh hi; pawl khat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Mattiu 16:14 Iomraidhean Croise

Jeremiah 1:1

Benjamin gam Anathoth khua-a siampi khat ahi, Hilkiah’ tapa Jeremiah thu gente hih bang ahi hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Mattiu 14:2

“Tua pa in Baptaizpa Johan ahi hi. Amah in sihna pan a tho kik zo hi. Tua ahih ciangin, hih vangliatna in ama tungah ahih hi,” ci-in a nasemte kiangah a ci hi.

Mattiu 16:15

Zeisu in, “Note in kei kua mi hi nong ci uh hiam?” ci-in a dot ciangin

Mattiu 17:10

A nungzuite in, “Elijah hong pai masa ding hi,’ ci-in laitheite in bang hangin a gen uh hiam?” ci-in a dot uh leh

Mattiu 3:1

Tua lai takin Baptaiz-pa Johan hong kilang a, “Vantung Gam a hong nai zo hi.

Marka 6:15

Mi kimkhat in, “Hih mi in Elijah ahi hi,” a ci uh hi. Midangte in, “Tanglai kamsangte khatpeuh tawh kibang, kamsangpa ahi hi,” a ci hi.

Marka 8:28

Amaute in, “Baptaizpa Johan,” a ci uh hi. Kimkhat in, ‘Elijah,’ a ci uh hi. Ahih hangin midang kimkhat in, ‘Kamsangpa khatpeuh,’ a ci ciat uh hi,” ci-in a gen uh hi.

Luka 9:8

Mi kimkhat in, “Elijah hong kilang kik zo hi,” a ci uh hi. Mi kimkhat in, “Tanglai kamsangte khatpeuh mah a thokik zo hi,” a ci uh hi.

Johan 1:21

Tuate in zong, “Tua ahih leh, nang kua na hi hiam? Elijah na hi hiam?” ci-in a dot uh ciangin amah in, “Elijah ka hi kei hi,” a ci hi. “Pasian’ kamsangpa na hi hiam?” a cih uh ciangin, “Ka hi kei hi.” ci-in a dawngkik hi.

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

Johan 9:17

Tua ciangin khatvei amau in, “Na mit hong vaksakpa kua tawh kibang ahi hiam? Bangci na ngaisun hiam?” ci-in mittaw ngeipa a dong uh hi. Amah in, “Pasian’ kamsangpa ahi hi,” a ci hi.