Mattiu 15:32 - Tedim Bible

³² Tua lai takin Zeisu in a nungzuite sam a, “Hih mite hehpih huai ka sa hi. Bang hang hiam na cih uh leh, ni thum tawntung kei tawh a omkhawm uh a, an nek ding a nei kei uh hi. Lampi ah a gim ding uh, ka lunghihmawh manin, an ne loin ka paisak nuam kei hi,” a ci hi.

Tedim Bible Revision 2017

³² Tua ciangin Jesu in a nungzuite sam a, “Kei kiangah hih mite ni thum bang hong om khin uh a, amaute in annek ding nei nawn lo uh ahih manin hehpihhuai ka sa hi. Lamkal ah cimawh kha ding uh ahih manin gil kialin ka ciahsak nuam kei hi,” a ci hi.

Mattiu 15:32 Iomraidhean Croise

2 KUMPI NIHNATE 4:42

Mi khat Baalshalishah panin hong pai-in Pasian’ mipa kiangah anpal anlum, mangbuhham lum sawmnih, leh anvui athak a van sungah hong pua hi. Tua ciangin Elisha in, “Amaute in a nek thei nadingun kamsangte tungah pia in,” a ci hi.

Mattiu 12:40

Jonah in ngapi’ gil sungah ni thum a om mah bangin, Mihing Tapa in ni thum lei sungah a om ding hi.

Mattiu 14:13

Zeisu in a zak ciangin, gunkuang tungah tuangin gam daihna munah amah bek a pai hi. Mihonte in a theih uh ciangin khuapi, khuaneu panin paikhia uh a, lei lamah a delh uh hi.

Mattiu 15:33

A nungzuite in, “Mi hih zahpi kham ding khomun, hih gampa lakah ko bang lak pan ngah ding ka hi uh hiam?” a cih uh ciangin

Mattiu 20:34

Zeisu in hehpihhuai sa a, amau’ mittang a khut tawh a lawn’ ciangin, thakhatin amau in khua mu thei uh a, a nung a zui pah uh hi.

Mattiu 27:63

“Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Marka 9:22

Naupang a kisiat nadingin tamveipi meikhuk sungah, tamveipi tui sungah a puksak hi. Ahih hangin, na khat peuhmah na bawl theih leh, kote hong hehpih in la, hong huh in,” ci-in ngen hi.

Luka 7:13

Zeisu in tua numei a muh ciangin hehpihhuaisa a, “Kap kei in,” a ci hi.

Sawltak 27:33

Khua a vak dektak lai takin an ne dingin Paul in mi khempeuh hansuah a, “Note in ni sawm-le-li tawntung an ngawlin, gil kialin na om uh hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.