Mattiu 15:28 - Tedim Bible

²⁸ Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Tedim Bible Revision 2017

²⁸ Tua ciangin Jesu in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dam pah hi.

Mattiu 15:28 Iomraidhean Croise

JOB (Job) 13:15

Pasian in kei hong that mah taleh zong, ke’n phamawh ka sa kei hi. Ahi zongin ama mai-ah ka thu ka gen veve ding hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

Late 145:19

Amah in, amah a zahtakte khempeuh’ deihna tung sak a, amaute’ kikona zong za-in amaute honkhia hi.

Kah la 3:32

Dahna hong thuaksak thei ding hi, ahih hangin eite a hong itna in muanhuai in a kip tawntung hi.

Mattiu 14:31

Zeisu in thakhatin a khut zan a, Piter lenin, “Upna neupa aw, bang hangin um khial na hi hiam?” a ci hi.

Mattiu 15:27

numei in, “Ahi mah hi, Topa aw, uite in a topa sabuai panin anneng kiate a ne uh hi,” a ci hi.

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Mattiu 8:13

Zeisu in galkap mangpa kiangah, “Na ciah in. Na upna bangin nangma ading piang ta hen,” a ci hi. Tua a nasempa in tua hunin a dam pah hi.

Mattiu 9:22

Zeisu kihei a, tua numei a muh ciangin, “Ka tanu aw, na lunghimawh kei in. Na upna in nang hong damsak zo hi,” a cih ciangin, thakhatin a dam pah hi.

Marka 5:34

Zeisu in, “Ka tanu aw, na upna in nang hong damsak zo hi. Nuam takin na ciah in, na cidam ta in,” a ci hi.

Luka 17:5

Sawltakte in, “Komau’ upna khangsak ta in,” ci-in Topa kiangah a gen uh hi.

Luka 7:50

Zeisu in,”Na upna in nang hong gum zo hi. Nuam in la, pai in,” ci-in numei thu a pia hi.

Luka 7:9

Zeisu in tua thu a zak ciangin lamdang sa a, ama nung a zui mihonte kiangah kihei a, “Ke’n kong cih-inah, hih zah tak upna Israel mipawlte lakah ka mu ngei kei hi,” ci-in a gen hi.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.