Mattiu 14:9 - Tedim Bible

⁹ Kumpipa a dah hangin a kiciam zawhna leh, sabuaiah a tut khawmpihte a zahtak manin, “Pia ta un,” ci a,

Tedim Bible Revision 2017

⁹ Kumpipa dah mahmah hi. Ahi zongin a kiciamnasa ahihna hang le a leenglateʼ maitang a zahtakna hangin a ngetna a kipiak nadingin thu a pia hi.

Mattiu 14:9 Iomraidhean Croise

Thuhilh-sia 5:2

Thu ngaihsun masa-in pau in la, Pasian’ tungah thu mawkciam pak kei in. Vantungah Pasian om a, leitungah nang om na hih manin na pau dinga kilawm zah val pau kei in.

Jeremiah 44:25

a vanglian Topa, Israel mite’ Pasian in hong gen-inah: note leh na zite un na khut bek uh tawh na sep uh hi loin na kam mahmah uh tawh, ‘Vantung kumpinu tungah paknamtui hal ding leh tui dawn biakna piak dinga ka kiciamna sa uh bangin ka sem taktak ding uh hi,’ ci-in na gen khin zo uh hi. Tua ahih leh na kiciamna uh kip sak ta un la, na kiciamna uh bangin sem dih ve un!

Mattiu 14:1

Tua lai takin Herod Kumpipa in Zeisu thu a zak ciangin,

Mattiu 14:10

mi khat sawl a, thong sungah Johan’ ngawng a tan sak hi.

Mattiu 14:5

Herod in Johan a thah nop hangin mihonpite in Johan Pasian’ kamsangpa hi sa uh ahih ciangin a lau hi.

Mattiu 14:8

Tua numei in a nu hilhna bangin, “Baptaizpa Johan’ lutang dalkuang sungah hong pia in,” ci-in a ngen hi.

Marka 6:14

Tua lai takin Herod kumpipa in tua thu za hi. Bang hang hiam i cih leh, Zeisu min a thang hi. “Baptaizpa Johan in sihna pan a thokik zo hi. Tua ahih ciangin, hih vangliatna in ama tungah a kilang hi,” a ci uh hi.

Marka 6:20

Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Marka 6:26

Kumpipa a dah mahmah hangin, a kiciam zawhna leh sabuai ah a tut khawmpihte a zahtak manin numeino a nial nuam kei hi.

Luka 13:32

Zeisu in, “Pai un la, ‘Tuni leh zingsang ciangin dawi ka hawlkhia ding a, cinatna ka damsak ding a, ni thum ni-in ka kikhin ding hi,’ ci-in tua ngia kiangah na hilh un.

Thukhente 11:39

Kha nih a cin’ ciangin a pa kiangah amah ciahkik a, amah in ama bawlsa a thuciamna bangin tua nu tungah hih hi. Tua nu in pasal tawh a lum khawm nailo, nungak-in khan’sih hi. Tua ciangin Israelte sungah ngeina khat suak a,

Thukhente 21:1

Tu-in Israel mite Mizpah-ah kiciam uh a, “Benjamin-te tungah kuamah in i tanu mo-in i kha kei ding hi,” a ci uh hi.

1 SAMUEL MASA 14:24

Israel mite tua ni-in lungkham uh hi; bang hang hiam cih leh Saul in mite tungah kiciamna khat koih a, “Tu nitak mateng leh ka galte ka thuk matengin an a nepa in samsiatna ngah ta hen,” a ci hi. Tua ahih ciangin mite khat beek in an ciam lo uh hi.

1 SAMUEL MASA 14:28

Tua ciangin mite khat in, “Na pa in kiciamna khat tawh nakpi takin mite thuhilh a, ‘Tu ni-in an a ne mipa in samsiatna ngah ta hen,’ ci hi,” a ci hi. Mite gim mahmah uh hi.

1 SAMUEL MASA 25:22

Zingsang ciangin ama neihsa khempeuh lakah pasal khat zong ka siit tak leh Pasian in keimah David hong dawm kei ta hen,” na ci khin hi.

1 SAMUEL MASA 28:10

Ahih hangin ama tungah Topa min tawh Saul kiciam a, “Topa in a nungta ahih mah bangin hih thu hangin nang tungah dantahna hong tung lo ding hi,” a ci hi.