Mattiu 14:8 - Tedim Bible

⁸ Tua numei in a nu hilhna bangin, “Baptaizpa Johan’ lutang dalkuang sungah hong pia in,” ci-in a ngen hi.

Tedim Bible Revision 2017

⁸ Tua numei in zong a nuʼ ngaihsut piakna zui-in, “Kuangdai khat sungah Tuiphumpa Johanʼ lutang, hih lai mahmah ah hong pia in,” ci-in a ngen hi.

Mattiu 14:8 Iomraidhean Croise

1 KUMPI MASATE 18:13

Jezebel in Topa’ kamsangte a thah lai-in Topa’ kamsangte mi zakhat, sawmnga sawmnga-in leihawm sungah seelin, amaute an leh tui tawh ka vaakna thu ka topa tungah hong kigen nai lo ahi hiam?

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute khat’ nuntakna bangin nangma nuntakna ka bawl kei taak leh pasiante in kei hong dawm kei ta hen,” cisak hi.

2 KUMPI NIHNATE 11:1

Tu-in Ahaziah’ nu Athaliah in a tapa a sihna a theih ciangin amah kipanin kumpi innkuan khempeuh susia hi.

Ezra 1:9

Tua nate a phazah in: kham kuang-uk sawmthum, ngun kuang tulkhat, tem nam tuamtuam sawmnih-le-kua,

Paunak 1:16

Amaute a sia-in gamta nuam vanvan uh a, mi thah ding haksa sa lo uh hi.

Paunak 29:10

Mi a that nuamte in a thuman mi mudah a, midikte in a thuman mi hu uh hi.

Gamlak-vakna 7:13

ama piakte in biakinn shekel tawh kizui-in shekel za leh sawmthum a gik ngun kuangdai khat, shekel sawmsagih a gik ngun kuang khat, an tawh biak nadingin sathau tawh a kibawl annel a dim tuak;

Gamlak-vakna 7:19

a biak nadingin amah in biakinn shekel tawh kizui-in shekel za leh sawmthum a gik ngun kuangdai khat, shekel sawmsagih a gik ngun kuang khat, an tawh biak nadingin sathau tawh a kibawl annel a dim tuak;

Mattiu 14:11

A lutang dalkuang sungah koih a, tua numeino a piak leh, numeino in a nu kiangah a paipih hi.

Mattiu 14:7

“Na hong nget peuhpeuh kong pia ding hi,” ci-in thu a ciam hi.

Mattiu 14:9

Kumpipa a dah hangin a kiciam zawhna leh, sabuaiah a tut khawmpihte a zahtak manin, “Pia ta un,” ci a,

Marka 6:24

Numeino in paikhia a “Bang ka ngen ding hiam?” ci-in a nu a dot ciangin a nu in, “Baptaizpa Johan’ lutang ngen in,” a ci hi.

Marka 6:25

Numeino thakhatin kumpipa kiangah tum a, “Baptaizpa Johan’ lutang dalkuang sungah hong pia le-cin ka ut hi,” a ci hi.

Marka 6:28

dalkuang sungah a lutang paipih a, tua numeino a piak khit ciangin numeino in a nu a pia hi.