Mattiu 14:23 - Tedim Bible

²³ Zeisu in mihonpite a paikhiatsak khit ciangin, thu ngen dingin mual tungah amah guak kahto a, nitak dongin a va om hi.

Tedim Bible Revision 2017

²³ Mihonte a ciah khit ciangin thungen dingin mual tung lamah a pai to hi. Khuamial ciangin Jesu guak bek gamlak ah om a,

Mattiu 14:23 Iomraidhean Croise

Mattiu 26:36

Tua lai takin Zeisu in amaute tawh Gethsemane kici mun khatah a tun’ uh ciangin, “Keimah hua lam pai a, thu ka nget lai takin, hih lai takah na tu un,” ci-in a nungzuite kiangah a cih khit ciangin,

Mattiu 6:6

No thu na nget uh ciangin inn sung tawngah lut un la, kong na khak khit uh ciangin a kilang lona munah a om na Pa uh kiangah na ngen un. A kilang lona-ah a om na Pa un phattuamna a hong pia ding hi.

Marka 1:35

Zingsang khua a vak ma-in Zeisu tho a, gampa lakah paikhia a, tua san takah thu a ngen hi.

Marka 6:46

Zeisu in mihonpite tawh a kikhen khit ciangin, thungen dingin mual tungah a kahto hi.

Luka 3:21

Mi khempeuh a kibaptaiz khit uh a ciangin, Zeisu in zong kibaptaiz a, thu a nget lai takin van kihong a,

Luka 5:16

Ahih hangin amah gampa lakah pai a, thu a ngen hi.

Luka 6:12

Tua lai takin Zeisu in thu ngen dingin mual tungah kahto a, Pasian kiangah thu ngenin zan khat tawntung a om hi.

Luka 9:18

Khatvei Zeisu in gam daihna-ah thu a nget lai takin, amah tawh a nungzuite a omkhawm uh hi. Zeisu in, “Mihonpite in kei kua hi hong ci uh hiam?” ci-in a dot ciangin

Luka 9:28

Hih thu a gen khit ni giat bang a phak ciangin, Zeisu in Piter, Johan leh Jakob te samin, thungen dingin mual tungah a kahto uh hi.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.