Mattiu 13:48 - Tedim Bible

⁴⁸ Ngasa a dim tak a awk ciangin, ngabengte in tui geiah kaikhia uh a, tu-in nga a hoihte teelin bawm sungah a guang uh hi. Ngasa a hoih lo teng a pam khawng ah a paii uh hi.

Tedim Bible Revision 2017

⁴⁸ Ngasa tampi tak a awk ciangin ngabengte in tui gei ah a ngen uh kai khia-in tu suk uh a, nek theih ding ngasate, paipel sungah guangin, nek theih loh ding ngasate, a lawn khia uh hi.

Mattiu 13:48 Iomraidhean Croise

Mattiu 13:30

Taang lak hun matengin a nam nihin khangkhawm tadih hen. Taang lak hun hong tun’ ciangin, lopa teng bot masa un la, mei ah hal dingin lom hen un. Taang ahih leh, ka sal sungah hong koih un,’ ci-in taang late ka vaikhak ding hi,” a ci hi.

Mattiu 13:47

“Khatvei, Vantung Gam in tuili a, kipaai, ngasa nam tampi a awk thei ngeen tawh kibang hi.

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Mattiu 4:18

Galile tuili gei lamah a pai lai-in, Piter kici Simon leh Andru te unau, ngabengte ahih uh ciangin tui sungah ngen paai-a om uh a mu hi.