Mattiu 13:44 - Tedim Bible

⁴⁴ “Vantung Gam in lo lai-ah a kiseel sum tawh kibang hi. Tua sum a mupa in khatvei seel kik a, lungdam mahmahin pai a, a neih khempeuh zuakin tua lo a va lei hi.”

Tedim Bible Revision 2017

⁴⁴ “Vantung ki-ukna pen lo lai ah a kiseel sum tawh kibang hi. Mi khat in a muh ciangin limtakin a seel pha hi. Amah lungdam mahmah in a inn ah ciah pah a, a neih khempeuh a zuak khit ciangin tua lo a lei hi.

Mattiu 13:44 Iomraidhean Croise

JOB (Job) 28:13

A kimuh nading lampi mihingte in thei lo a, mihingte’ gam sungah lah om lo hi.

Paunak 16:16

Kham sangin pilna hoihzaw a, ngun sangin thu theihna deihhuai zaw hi.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Paunak 18:1

Midang tawh a kipawl thei phalote pen amah bek thupi a kisate hi a, midangte’ cih khempeuh maan a sak khatbeek om lo hi.

Paunak 23:23

Thuman, pilna, siamna, thu ngaihsut theihna lei in; tuate zuakkhiat dingin pammaih lua hi.

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Mattiu 13:24

Thugentehna khat in, “Vantung Gam in khaici hoih a vawh mi tawh kibang hi.

Mattiu 13:46

Tuapa in suang manpha pen a muh ciangin ciah a, a neih khempeuh a zuak khit ciangin tua suang manpha va lei hi.”

Mattiu 13:47

“Khatvei, Vantung Gam in tuili a, kipaai, ngasa nam tampi a awk thei ngeen tawh kibang hi.

Mattiu 19:21

Zeisu in, “Nang a siangtho nuam na hih leh, pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Mattiu 19:27

Tua lai takin Piter in, “Kote in ka neihsa khempeuh uh nusia-in, nangmah ka hong zui uh hi. Tua ahih ciangin bang ka ngah ding uh hiam?” ci-in a dong hi.

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Mattiu 6:21

Bang hang hiam na cih uh leh, na sum omna munah na lungsim uh a om ding hi.”

Luka 14:33

Tua mah bangin note lakah mi khatpeuh in a neihsa khempeuh a nusiat kei leh, ka nungzui a suak zo kei ding hi.”

Johan 6:35

Zeisu in, “Keimah in nuntakna khomun ka hi hi. Kei kiangah hong pai mi in a nung ciangin a gilkial ngei nawn kei ding hi. Kei hong um mi in a nung ciangin a dangtak nawn kei ding hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Kolose 2:3

Tua Khazih sungah pilna sum, theihna sum a om khempeuh kiseelin om hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.