Mattiu 13:39 - Tedim Bible

³⁹ Tahum tang vawh galpa in dawimangpa hi. Taang lak hun in leitung bei nading hi. Taang la mite in vantungmite ahi uh hi.

Tedim Bible Revision 2017

³⁹ tahum tang a vawh galpa pen Dawimangpa ahi hi. Anlak hun pen leitung bei nading hun hi a, an la nasemte pen vantung mite ahi hi.

Mattiu 13:39 Iomraidhean Croise

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Joel 3:13

Amaute gilo mahmah uh ahih manin, anlak huna buh at bangin at gawp un la, leenggahtui dawhna dim letin a luang leenggah cilna kuang sunga om leenggah bangin, tuancil gawp un.

Mattiu 12:32

Mihing Tapa a gensiate, a mawhna kimaisak thei ding hi. Kha Siangtho a gensiate’ mawhna ahih leh, tu khang laitak ahi zongin, tu nung khang ahi zongin kimaisak zo lo ding hi.”

Mattiu 13:22

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Mattiu 13:25

Mite ihmut kalun a galpa pai a, tahum tang, taang lakah a vawh khit ciangin a paikhia hi.

Mattiu 13:28

A nasemte in, “Tahum kungte va bot le-ung nong awi hiam?’ a cih uh leh, a topa un,

Mattiu 13:40

Lopa kungte botkhia a, mei tawh a hal uh mah bangin, leitung a bei ciangin a piang ding hi.

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

2 KORIN NIHNA 11:3

Gulpi in ama zuauna tawh Evua a kheem mah bangin note lungsim ngam-in kisia-in, Khazih lamah a om khin na lungsim siangtho uh a mangthang ding hi ci-in ka lunghihmawh hi.

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Juda 1:14

Adam pan akipan khang sagihna mi Enok in kamsangpa thu a gen-inah, “Topa in mi khempeuh thukhenin,

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mangmuhna 13:14

Sahang mai-ah amah lah theih ding a ngah nalamdangte hangin amah in leitungah a om mite kheemin, tem satna ma a om, a nungta sahang’ milim khatpeuh peuh bawlsak in ci-in leitungah a om mite kiangah a cih khit ciangin,

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.