Mattiu 13:33 - Tedim Bible

³³ Thugentehna adang a geninah, “Vantung Gam in numei khat in buhnel seeng thum a tawk khit matengin a sawh, silngo tawh kibang hi,” a ci hi.

Tedim Bible Revision 2017

³³ Tua ciangin thu gentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

Mattiu 13:33 Iomraidhean Croise

Piancilna 18:6

Puanbuk sunga Sarah’ kiangah Abraham pai mengmeng a, “Annel hoihte lawh thum hong bawl mengmeng in la, meek manin mohin hong bawl in,” ci hi.

2 SAMUEL NIHNA 13:6

Tua ahih ciangin Amnon lumin a cina kineih hi; amah en dingin kumpipa a pai ciangin Amnon in kumpipa kiangah, “Ama khut panin ka nek theih nadingin ka sanggamnu Tamar hong pai sakin mohpheng nih khawng na bawlsak nading kong thum hi,” a ci hi.

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Mattiu 13:24

Thugentehna khat in, “Vantung Gam in khaici hoih a vawh mi tawh kibang hi.

Marka 13:20

Topa in tua nite a tomsak kei leh, kuamah in suakta zo lo ding hi. Ahih hangin, a teelsate adingin a tomsak ding hi.

Luka 13:21

Numei khat in buhneel seeng thum a pawm khit mateng a sawh silngo tawh kibang hi,” a ci hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Galati 5:9

Silngo tawm khat in annel lom a vekpi a tawksak thei hi.

Filippi 1:6

Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.

Filippi 1:9

Note in ahoih apha nate na theih nadingun, theihna apawlpawl khempeuh hangah na ki-itna uh khangin a kicin’ nadingin ahi zongin, Pasian minthan’ nading leh phat nadingin, Zeisu Khazih hangah dikna’ gah tawh dimin, Khazih’ Ni dongin na lungsim uh a siangtho leh genbaang lo ahih nadingin ahi zongin note ading thu kong ngetsak hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Thukhente 6:19

Tua ahih ciangin Gideon a inn-ah pai-in keelno khat, leh annel seu khat panin silngo sawhloh moh bawl hi; a sa ciang sung khatah koihin a satui beel sung khatah koih a, tawsaw nuai ama kiangah tuate paipihin pia hi.

1 SAMUEL MASA 1:24

Numei in amah nawi tawh a kikhensak khit ciangin kum thum a pha bawngtal khat, annel seu khat, leh leenggahzu savun thawl khat tawh amah la hi; tua ciangin Shiloh-a Topa’ inn-ah amah paipih hi; a naupang khangmoi hi.