Mattiu 13:3 - Tedim Bible

³ Zeisu in thugentehna tawh thu tampi a hilhinah,

Tedim Bible Revision 2017

³ Amah in thu gentehna a tuamtuam zangin thu tampi hilhin a genin ah: “Khaici vawhpa khaici vawh dingin a kuan khia hi.

Mattiu 13:3 Iomraidhean Croise

Late 49:4

Paunak thu theih hak khat ka ngai ding a, laiza lasakna tawh a khiatna ka gentel ding hi.

Late 78:2

Note tungah thu kong gen ding hi. I pu i pate in hong gensa, eite in i zaksa leh i theihsa, taanglai-a thuthukte kong genkhia ding hi.

Ezekiel 17:2

“Ezekiel aw, Israel mite kiangah thugentehna khat gen in la,

Ezekiel 20:49

Tua ciangin kei zong, “Topa Pasian aw, mi khempeuh in kei pen khiatna nei-a thu gen theipa hi, ci-a hong ngaihsut uh ka hi hi,” ka ci hi.

Micah 2:4

Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

Habakkuk 2:6

A zawhna gam mite in amau a zo mite simmawh bawlin, “No aa a hilopi kim lai no’ aa dingin na la uh hi; ahi zongin tu-in gimna na thuak ding uh hi. Note tungah lei hong bate khem bawlin bang tan vei na hauhna uh behlap nuam lai na hi uh hiam?” ci ding uh hi.

Mattiu 13:4

“En un, khaici vawhpa in khaici vawh dingin a kuankhia hi. Khaici a vawh lai takin, kimkhatte lampi geiah kia a, vasate hong pai-in, tawmin a ne uh hi.

Mattiu 13:53

Zeisu in tua bang thugentehna khempeuh a hilh khit ciangin, tua mun pan a paikhia hi.

Mattiu 22:1

Zeisu in mihonpite kiangah thugentehna a genkik inah:

Mattiu 24:32

“Theikung kiangah thugentehna na sin un. Theikung a hiang meeng a, a teh a no ciangin khuakhal a nai zo ta hi,’ ci-in na thei uh hi.

Marka 12:1

Tua lai takin Zeisu in thugentehna tawh thu a hilh-inah, “Mi khat in lo lai-ah leenggah kungte suan a, gawlin uum a, leenggah cil nading to a, tausang buk khat a lam khit ciangin, lo khote khawhlawhsakin gamdangah a pai hi.

Marka 12:12

Amaute in amah mat nading a zon’ uh hangin mihonpi a kihta uh hi. Bang hang hiam i cih leh, amau a cihna a gen ahih lam a thei uh hi. Tua lai takin amah nusia-in a paikhia uh hi.

Marka 3:23

Zeisu in amaute sam a, thugentehna tawh thu a hilh-inah, “Satan in Satan bangci a hawlkhia zo ding hiam?

Marka 4:13

“Note in hih thugentehna thei lo na hi uh hiam? Na theih kei uh leh, thugentehna khempeuh bangci theih ding na hi uh hiam?

Marka 4:33

Zeisu in tua bang thugentehna tawh amaute in a theih zawh nadingun thu a hilh hi.

Luka 12:41

Piter in, “Topa aw, hih thugentehna ko bek hong hilh na hi hiam? Ahih kei leh, mi khempeuh na hilh hiam?” ci-in a dong hi.

Luka 8:10

Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

Johan 16:25

“Tua thute thugentehna tawh kong gen zo hi. Thugentehna tawh gen loin, Pa’ thu note kiangah a tel takin kong gen nading ahun hong tung ding hi.