Mattiu 13:25 - Tedim Bible

²⁵ Mite ihmut kalun a galpa pai a, tahum tang, taang lakah a vawh khit ciangin a paikhia hi.

Tedim Bible Revision 2017

²⁵ Ahi zongin zan khat, mite a ihmut kalun galte khat hong pai-in taang lakah tahum tang vawhin a paikhia hi.

Mattiu 13:25 Iomraidhean Croise

1 KUMPI MASATE 3:20

Tua ciangin zan kim lai takin amah tho-in, na nasemnu ka ihmut lai takin ka kiang panin ka tapa la-in ama ang-ah koih a, ama tapa si keima angah hong koih hi.

Mattiu 13:24

Thugentehna khat in, “Vantung Gam in khaici hoih a vawh mi tawh kibang hi.

Mattiu 13:26

Taang po a, hong vuih khit ciangin tahum zong hong kilang hi.

Mattiu 13:27

A nasemte in a topa uh kiangah pai a, ‘Topa aw, lo lai-ah khaici hoih vawh hilo na hi hiam? Tahum in koi pan a hong piang hiam? ci-a a koh uh ciangin a topa un, ‘Hih thu in galte hong bawlna thu hi,’ a ci hi.

Mattiu 13:29

‘Bot nai kei un. Bang hang hiam na cih uh leh, na bawh uh leh, taang kung tawh na botkhawm kha ding uh hi.

Mattiu 13:30

Taang lak hun matengin a nam nihin khangkhawm tadih hen. Taang lak hun hong tun’ ciangin, lopa teng bot masa un la, mei ah hal dingin lom hen un. Taang ahih leh, ka sal sungah hong koih un,’ ci-in taang late ka vaikhak ding hi,” a ci hi.

Mattiu 13:39

Tahum tang vawh galpa in dawimangpa hi. Taang lak hun in leitung bei nading hi. Taang la mite in vantungmite ahi uh hi.

Mattiu 25:5

Zipipa a tun’ma kikalin tua nungakte a vekpi-un lusu-in a ihmu uh hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

2 PETER NIHNA 2:1

Ahih hangin mite lakah kamsang zuau hong piang mah bangin a kikhenthang thei up khialhna ngeina, kheemna tawh guangin, amau pumpi uh a lei Topa nangawn nialin, amau tungah a manlangin kisiatna a tungsak thu zuau hilh siate in note lakah zong a om ding uh hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mangmuhna 13:14

Sahang mai-ah amah lah theih ding a ngah nalamdangte hangin amah in leitungah a om mite kheemin, tem satna ma a om, a nungta sahang’ milim khatpeuh peuh bawlsak in ci-in leitungah a om mite kiangah a cih khit ciangin,

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.