Mattiu 13:24 - Tedim Bible

²⁴ Thugentehna khat in, “Vantung Gam in khaici hoih a vawh mi tawh kibang hi.

Tedim Bible Revision 2017

²⁴ Tua ciangin Jesu in thu gentehna dang khat gen a, “Vantung ki-ukna pen bang tawh kibang hiam cih leh: A lo ah taang ci hoih a vawhpa tawh kibang hi.

Mattiu 13:24 Iomraidhean Croise

Isaiah 28:10

Bang hang hiam cih leh malkhat khit malkhat, gualkhat khit gualkhat, thukhat khit thukhat, cih bang hi lel hi,” hong ci uh hi.

Isaiah 28:13

Tua ahih ciangin Topa in note tungah, malkhat khit malkhat, gualkhat khit gualkhat, thukhat khit thukhat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thang-ah awk-in, sal-in hong kipaipih ding hi.

Ezekiel 17:2

“Ezekiel aw, Israel mite kiangah thugentehna khat gen in la,

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Mattiu 13:25

Mite ihmut kalun a galpa pai a, tahum tang, taang lakah a vawh khit ciangin a paikhia hi.

Mattiu 13:31

Thugentehna adang inah, “Vantung Gam in, mi khat in lo lai-ah a cin’ ankamtang tawh kibang hi.

Mattiu 13:33

Thugentehna adang a geninah, “Vantung Gam in numei khat in buhnel seeng thum a tawk khit matengin a sawh, silngo tawh kibang hi,” a ci hi.

Mattiu 13:37

“Khaici vawhpa in Mihing Tapa hi.

Mattiu 13:47

“Khatvei, Vantung Gam in tuili a, kipaai, ngasa nam tampi a awk thei ngeen tawh kibang hi.

Mattiu 18:23

Tua ahih ciangin, Vantung Gam in ama nasemte ciamtehna lai a en nuam kumpipa khat tawh kibang hi.

Mattiu 20:1

“Vantung Gam in leenggah lo sungah nasem dingte cial dingin zingsanga a kuankhia inn teekpa tawh kibang hi.

Mattiu 21:33

“Adang thugentehna khat na ngai un: Inn neipa khat in lo lai-ah leenggah kungte suan a, gawlin a um khit ciangin, leenggah cil nading to a, tausang buk khat a lam khit ciangin, lo khote khawh lawhsakin khual a zin san hi.

Mattiu 22:2

“Vantung Gam in a tapa ading molakpawi a kham kumpipa tawh kibang hi.

Mattiu 25:1

“Tua ahih ciangin Vantung Gam in zipipa dawn dingin, a meivak tawi kawma paikhia nungak sawm tawh kibang hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Luka 13:18

Zeisu in, “Pasian’ Gam in bang tawh kibang ahi hiam? Bang tawh ka genteh ding hiam?

Luka 13:20

Khatvei Zeisu in, “Pasian’ Gam in bang tawh ka genteh ding hiam?