Mattiu 13:21 - Tedim Bible

²¹ A thu hangah gimna ahi zongin, bawlsiatna ahi zongin a thuak ciangin, thakhatin a pukte ahi hi.

Tedim Bible Revision 2017

²¹ Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.

Mattiu 13:21 Iomraidhean Croise

JOB (Job) 19:28

Bang hang hiam cih leh, “Amah bang i ci gimsak thei ding hiam?” na ci uh hi. Kei nong suk theih nadingun paulap khatpeuh na zong uh hi.

Late 36:3

Ama kammalte in siatna leh khemna vive hi a, pil gamtatna leh hoih gamtatna bei khin ta hi.

Paunak 12:12

Migilote’ belh mun muanhuai in leikhal bangin kitamzan a, mihoihte’ zung kip tawntung hi.

Paunak 12:3

Gitlohna in lungmuan’na piangsak lo a, thuman mite lungmuang takin om uh hi.

Hosea 6:4

Israel leh Judah aw, note bang hong cih thei nawn ding ka hi hiam? Note’ hong itna in zingsang meiilum bangin theng pak a, a mangthang pak daitui tawh kibang lel hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 11:6

Keimah hangah puk nading a nei lo peuhmah in thupha a ngah ding uh hi,” a ci hi.

Mattiu 13:20

Suang lakah a kiate in, thu a zak ciangin lungdamin a man’ pah hangin, a sungah zung kha lo ahih ciangin tawlkhat kikal bek a kip hi.

Mattiu 13:57

Amaute in amah hanginah a lungkia uh hi. Tua ciangin Zeisu in, “Pasian’ kamsangpa in ama khua, ama inn longal mun dangah minthan’na ngah loin om lo hi,” ci-in amaute kiangah a ci hi.

Mattiu 13:6

lei a dai manin, a po pah hangin, ni suak a, a sat ciangin, zung kha zo lo ahih manin a vul gawp hi.

Mattiu 24:13

A bei dongin a kipte in gupna a ngah ding uh hi.

Mattiu 26:31

Tua lai takin Zeisu in, “Tuucingpa ka satlum a, tuu honpite a kithehthang ding uh hi,’ ci-a Lai Siangtho sungah a kigelh bangin note na vekpi-un kei hangin, tuzan ciangin na lungkia ding uh hi. Ahih hangin ka thawhkik khit ciangin note maiah Galile gamah ka pai ding hi,” a cih ciangin

Marka 4:17

Amaute sungah zung kha lo uh ahih ciangin, tawlkhat kikal bek a kip uh hi. A thu hangah gimna ahi zongin, bawlsiatna ahi zongin a thuak uh ciangin thakhatin a puk uh hi.

Luka 8:13

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.

Johan 6:26

Zeisu in, “Ke’n aman takpi kong cih-inah, note in nalamdang na muh manun kei hong zong na hi kei uh hi; khomun na ne uh a, na kham uh ciangin hong zong na hi uh hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Galati 6:12

Amaute pumpi uh tawh kipawl minthan’na a deih mite in, Khazih’ singlamteh hangah thuakna leh bawlsiatna tawh kipelh nuam bekin, note vunat thuak nadingin zawhthawh thu tawh hong zol uh hi.

Galati 6:15

Bang hang hiam na cih uh leh, vunatna in phattuamna a om kei hi, vunat lohna in zong phattuamna a om kei hi: mi thak suahna bek in phattuamna a om hi.

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

Filippi 1:6

Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.

2 TIMOTI NIHNA 1:15

Asia gamah a om mi khempeuh in kei kiangpan a pialkhiat zawh uh na thei hi. Tuate lakah Figelas leh Hermogenes zong a om uh hi.

2 TIMOTI NIHNA 4:10

Bang hang hiam cih leh, Demas in tu lai nuntakna a it maninah kei hong taisanin, Thesalonika khua-ah a pai zo hi. Kresen in Galati gamah a pai zo hi. Titu in Dalmatia gamah a pai zo hi.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Mangmuhna 2:13

“Nangmah in Satan’ tokhom omna-ah na om thu ka thei hi. Ka min len cipin, Dawimangpa’ teen’na munah note lakah thahna a thuak ka teci, ka midik pa Antipas’ khan’ lai nangawnin keima upna thu na nial kei hi.