Mattiu 13:19 - Tedim Bible

¹⁹ Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Tedim Bible Revision 2017

¹⁹ Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

Mattiu 13:19 Iomraidhean Croise

Paunak 1:7

Topa zahtakna in pilna kipatna hi a, mihaite in pilna leh thuhilhna don lo uh hi.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Ezekiel 31:18

“Tua singkung in Izipt kumpipa Faro leh ama mite ahi hi. Eden huan-a singkungte nangawn tua zahin lianin hoih zaw lo hi. Ahi zongin, Eden huan-a singkungte mah bangin, Pasian thu a ngaihsun lo, gal sunga a sisate’ omna a zuan dingin, misite’ omna Leinuai a zuan ding ahi hi. Topa Pasian keimah in hih thu ka gen khin hi,” hong ci hi.

Mattiu 12:26

Satan in Satan a hawlkhiat leh, amah leh amah kilem lo a, kikhen hi. Tua ahih ciangin, ama gam bangci a kip zo ding hiam?

Mattiu 13:20

Suang lakah a kiate in, thu a zak ciangin lungdamin a man’ pah hangin, a sungah zung kha lo ahih ciangin tawlkhat kikal bek a kip hi.

Mattiu 13:38

Lo lai in leitung mite hi. Khaici hoih in Gam sung tate ahi uh hi. Tahum tang in gilomi’ tate ahi uh hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 5:37

A hite ‘A hi mah hi’, a hi lote, ‘A hi lo mah hi,’ na ci un. Tua sang a kan zawk leh, a gilo mi’ sung pan a piang hi.”

Marka 4:15

Lampi geiah khaici a kiate in, thu a zak uh ciangin thakhatin Satan hong pai a, amau sungah a kivawh thu a lakkhiatte ahi uh hi.

Luka 10:9

Cinate na damsak un. ‘Pasian’ Gam in note kiangah hong nai zo hi,’ ci-in thu na hilh un.

Luka 9:2

Tuate in Pasian’ Gam thu hilh ding ahi zongin, cinate damsak ding ahi zongin a sawl hi.

Johan 18:38

Pilat in, “Thuman thutak bang ahi hiam?” a ci hi. Tua thu a gen khit ciangin Judah mite kiangah paikhia a, “Hih mi tungah mawhna ka mu kei hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

Sawltak 17:32

Amaute in misite hin’kikna thu a zak uh ciangin, kimkhat in a kosia uh hi, kimkhat in, “Hih thu tu nung ciangin ka ngaikik nuam uh hi,” a ci uh hi.

Sawltak 18:15

Tua ahih kei a, thu ahi zongin, min ahi zongin, nomau biakna thukhamna thu ahi zongin ahih leh, no na vaihawm ding uh hi. Tua thute khen ding ka ut kei hi,” a ci hi.

Sawltak 20:25

Ka pai kawikawi-a Pasian’ Gam thu kong hilh note khempeuh in keima maitang na mu nawn kei ding uh hi cih tu-in ka thei hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

1 JOHAN MASA 3:12

Kain in bang hangin a nau a that hiam na cih uh leh, ama gamtatnate hoih lo a, a naupa’ gamtatnate a dik hi.

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.