Mattiu 13:14 - Tedim Bible

¹⁴ Pasian’ kamsangpa Isaiah’ hilh ngeina thu in amau tungah a tung ding hi. Isaiah thu in: ‘Note in ngai-in, na za napi-un a khiatna na thei kei ding uh hi. Note in enin, na en napi-un na mu kei ding uh hi.

Tedim Bible Revision 2017

¹⁴ Kamsang Isaiahʼ thugen kholhna, hih thu tawh kisai ah amau adingin tung taktak hi. Tua a genna ah, ‘Na zakzak uh hangin na tel kei ding uh a, na etet uh hangin na mu kei ding uh hi.

Mattiu 13:14 Iomraidhean Croise

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Ezekiel 12:2

“Ezekiel aw, a lehdo thei mite lakah a teeng na hi hi. Amaute in mit nei napi-in khua mu lo uh a, bil nei napi-in bangmah za thei lo uh hi. Amaute pen a lehdo thei mite ahihna hang uh ahi hi.

Marka 4:12

amau enin, a en napi-un a mu kei ding uh a; ngai-in, a ngai napi-un a khiatna thei lo ding uh ahih ciangin, amaute thugentehna tawh ka hilh hi.”

Luka 8:10

Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

ROM (Romans) 10:16

Ahih hangin mite khempeuh in Lungdamna Thu a ngai kei uh hi. Bang hang hiam na cih uh leh, kamsangpa Isaiah in, “Topa aw, kote thuhilhna kua in um ahi hiam?” a ci hi.

2 KORIN NIHNA 3:14

Tuate lungsim in theih hakin, tu-ni dongin thuciamna lui a sim uh ciangin, tua mai sitna in a sin hi; Khazih hangin kipaaikhia zo hi cih a thei kei uh hi.

Thu-hilhkikna 29:4

ahih hangin tu ni dongin Topa in note tungah a thu na tel nading uh lungsim hita leh, na muh nading uh mit hita leh, na zak nading uh bil hita leh hong pia nai lo hi.