Mattiu 13:13 - Tedim Bible

¹³ Tua ahih ciangin, tua mite thugentehna tawh ka hilh hi. Bang hang hiam na cih uh leh, amau enin, en napi-in mu lo ding uh hi. Ngai-in, ngai napi-in za lo uh a, akhiatna a thei kei ding uh hi.

Tedim Bible Revision 2017

¹³ Amaute in enen napi-in mu thei lo uh a, ngaingai napi-in za thei lo, tel thei lo uh ahih manin thu gentehna zangin thu a gen ka hi hi.

Mattiu 13:13 Iomraidhean Croise

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Ezekiel 12:2

“Ezekiel aw, a lehdo thei mite lakah a teeng na hi hi. Amaute in mit nei napi-in khua mu lo uh a, bil nei napi-in bangmah za thei lo uh hi. Amaute pen a lehdo thei mite ahihna hang uh ahi hi.

Ezekiel 20:49

Tua ciangin kei zong, “Topa Pasian aw, mi khempeuh in kei pen khiatna nei-a thu gen theipa hi, ci-a hong ngaihsut uh ka hi hi,” ka ci hi.

Mattiu 13:16

Note na mittang un mu thei ahih ciangin thupha na ngah ding uh hi. Na bil un khua za ahih ciangin, thupha na ngah ding uh hi.

ROM (Romans) 11:8

Tua mah bangin Lai Siangtho sungah, “Pasian a mu thei lo mittang ahi zongin, khua a za thei lo bil ahi zongin, a ihmu nuam lungsim tua mite tungah tuni dongin a pia hi,” ci-in a kigelh hi.