Mattiu 13:11 - Tedim Bible

¹¹ Zeisu in, “Note in Vantung Gam thu theih hakte na theih nadingun thu hong pia hi. Amaute ahih uh leh, a theih nadingun thu kipia lo hi.

Tedim Bible Revision 2017

¹¹ Jesu in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Mattiu 13:11 Iomraidhean Croise

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

Isaiah 29:11

Hih mangmuhnate khempeuh pen note’ adingin ahih leh a kimatcip laibu sunga thu om tawh a kibang suak hi. Mite in lai a sim theipa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Mattiu 13:10

A nungzuite in va nai uh a, “Topa aw, bang hangin thu gentehna tawh hih mite hilh na hi hiam?” a cih uh ciangin

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Mattiu 19:11

Zeisu in, “Hih thu mi khempeuh in mang zo lo ding uh hi.

Mattiu 20:23

Zeisu in, “Ka dawn ding hai na dawn takpi ding uh hi. Ahih hangin, ka taklam leh veilam ah tut nading, ke’n thu ka hong pia thei kei hi. Ka Pa in ngah dinga a bawlsate in a ngah ding uh hi,” a ci hi.

Marka 10:40

Ahih hangin ka taklam leh ka veilamah tut nading ke’n thu kong pia thei kei ding hi. A ngah dinga a bawlsate in a ngah ding uh hi,” a ci hi.

Marka 4:11

Zeisu in, “Pasian’ Gam thu theih hakte na theih nadingun thu hong pia hi. A pua lam a omte ahih uh leh, kikheela amau mawhna uh a kimaisak loh nadingin,

Luka 8:10

Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

Johan 6:65

Tua ahih ciangin, ka Pa in thu a piak kei leh, kuamah kei kiangah hong pai thei kei hi kong ci hi,” a ci hi. Tua bang a cihna in bang hang hiam i cih leh, kua in um lo ding ahi zongin, kua in lehheek ding cih ahi zongin Zeisu in a cil panin a thei hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Sawltak 16:14

Puansan a zuak Thiatira khua mi ahi, Pasian a bia numei a min Lidia in komau thu a za hi. Tua numei in Paul’ thuhilhna a san’ theih nadingin Pasian in ama lungsim a hon’sak hi.

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

ROM (Romans) 16:25

Tanglai tawntung kiseel khin a, tu-in kilangin mipawl khempeuh in um-in thu a man’ nading uh, kamsangte’ Lai Siangtho sungah a kigelh tawntung Pasian’ thupiakna bangin Lungdamna Thu leh Zeisu Khazih hong kilatna hangin note hong kipsak zo Topa khat bek in,

1 KORIN MASA 13:2

Kamsangte’ pilna nei-in, thuthuk khempeuh, pilna khempeuh thei siam a, mual kinsak zawh nading upna apawl apawl ka neih hangin itna ka neih kei leh, a mawkna teitei ka hi hi.

1 KORIN MASA 15:51

En un, thuthuk khat kong gen ding hi. Eite khempeuh sicip ding i hi kei hi.

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

1 KORIN MASA 2:7

Leitung pian’ ma-in eite minthan’ nadingin Pasian in a vaihawm kholh pilna ahi, Pasian’ pilna thu thukpi tawh ka hilh uh hi.

1 KORIN MASA 4:1

Khazih’ sawltakte bang leh Pasian’ thuthuk a kemte bangin midangte in kote hong ciamteh uh hen.

1 KORIN MASA 4:7

Kua in note hong kilamdang sak hiam? Na ngah loh, na san’ loh uh khat beek na nei uh hiam? Na ngah, na san’ uh leh, a sang lo, a ngah lo bangin bang hangin kisathei na hi uh hiam?

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Efesa 5:32

Hih thu in thuthukpi ahi hi. Tua bang ka cih ciangin Khazih leh pawlpi ngaihsunin ka gen hi.

Efesa 6:19

Tua tham loin keimah in sikkhau kikhihna thuakin Lungdamna Thu thuthuk hangin sawltak nasem ka hih ciangin tua thuthukna hilh dinginah lau loin ka kam ka hon’ theih nading ahi zongin, tua thu in a hilhhuai ahih mah bangin lau loin ka gen theih nading ahi zongin kei ading thu na ngetsak un.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

1 TIMOTI MASA 3:9

theihna lungsim siangtho tawh upna thu thukpi a zang ding uh hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 JOHAN MASA 2:20

Note in Siangtho Pa’ Kha Siangtho sathau nilhsa na hi uh a, na khempeuh na thei uh hi.

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.