Mattiu 12:7 - Tedim Bible

⁷ ‘Sagawh biakna sangin, hehpihna ka deih zaw hi,’ a cihna thu na theih uh leh, mawh neilo mite na mawhsak kei ding uh hi.

Tedim Bible Revision 2017

⁷ Lai Siangtho sungah, ‘Ganhing tawh biak ding ka deih kei a, migitna ka deih zaw hi,’ a cihnopna thu teltakin thei le-uhcin a mawh lopi kimlai na mawhsak kei ding uh hi.

Mattiu 12:7 Iomraidhean Croise

JOB (Job) 32:3

Job’ lawm thumte tungah zong a heh suak hi. Bang hang hiam cih leh Job a dawn’na ding uh thei lo uh ahih manin Pasian a khial tawh hong kibang hi.

Late 109:31

Bang hang hiam cih leh sihna daan a piapa’ khutsung panin a hon dingin mi cimawhpa’ taklam-ah amah hong ding hi.

Late 94:21

Amaute in thuman mihoihte thah sawm uh a, a mawh baang lo mite, sihna daan thuak sak uh hi.

Paunak 17:15

Migilote khahkhongna, leh thuman mite mawhsakna, a nih tuakin Topa in deih lo hi.

Hosea 6:6

Gan tawh nong biakna uh sangin a kip a kho nong itna uh ka deih zaw hi. Meihal biakna sangin kei nong theih ding uh ka deih zaw hi.

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Marka 12:33

Tua Pasian lungsim khempeuh tawh it a, ama pumpi a it bangin a lawmte zong a it ding in, a pum mei a khul biakna leh sagawh biakna sangin a pha zaw hi,” ci-in a gen hi.

Sawltak 13:27

Bang hang hiam na cih uh leh, Jerusalem khuapihte leh amau ukte in amah ahi zongin, Nipi ni simin a kisim Pasian’ kamsangte’ lai ahi zongin thei lo uh ahih ciangin tua thute a tungsak dingin Zeisu a daantat uh hi.

Jeim 5:6

Midik tungah thu na khen uh a, na that zo uh hi. Amah in no hong thuk kei hi.

Joshua 5:5

Hong paikhia mite khempeuh vun a ki-at khit hangin Izipt panin hong paikhiat khit uh gamlak lamkal-a suak mite khempeuh a vun uh ki-at nai lo hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.