Mattiu 12:41 - Tedim Bible

⁴¹ Thukhen ni ciangin Nineveh khuamite in tu-a khang mite lang khatah ding-in a mawhsak ding uh hi. Bang hang hiam na cih uh leh, Jonah in thu a hilh manin amau in mawhna a kisikkik uh hi. Hih lai takah Jonah sangin a lianzaw mi khat a om hi.

Tedim Bible Revision 2017

⁴¹ Jonah in amaute kiangah thu a hilh ciangin a mawhna panun kisikkik uh ahih manin thukhen ni ciangin Nineveh khua mite in note mawhsakna thu hong gen ding uh hi. Note kiangah kong genin ah: Tu mahmah in note kiangah Jonah sangin a lian zaw khat a om hi.

Mattiu 12:41 Iomraidhean Croise

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Jeremiah 3:11

Tua ciangin Topa in kei hong hopih-a, “A zulhzau Israel in numei gina lo Judah sangin a mawhna tamzaw hi.

Jonah 1:2

“Kithawi in la, a lian mahmah Nineveh khuapi-ah va pai-in va thu hilh in; bang hang hiam cih leh amau’ gitlohna thu ka za khin zo hi,” a ci hi.

Jonah 3:4

Jonah zong khua sung lam manawh-in kipan-a, nikhat sung lam a pai khit ciangin, “Ni sawmli khit ciangin Nineveh khuapi a kisusia ding hi,” ci-in a kiko hi.

Mattiu 12:39

Zeisu in, “Mipaktat leh mi gilo khang mite in lim a nget uh hangin, Jonah lim longal lim dang amau tungah a kilak kei ding hi.

Mattiu 12:42

Khang lam gam kumpinu in, a thukhen ciangin, tu-a khang mite lang khatah ding-in a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, lei mong panin a pai hi. Hih lai takah Solomon sangin a lianzaw mi khat a om hi.”

Mattiu 12:45

Tua ciangin pai a, amah sangin a gilo zaw dawi sagih va sam a, tua pa sungah a lut uh hi. Tua ahih ciangin, tuapa a pian’ nunung pen in a pian’ masak sangin a siazaw hi. Tua mah bangin hih a gilo khang mite zong ahi ding hi,” a ci hi.

Mattiu 12:6

Hih san takah Pasian biakna inn sangin a lianzaw khat a om hi, kong ci hi.

Mattiu 16:4

Gilo a pangtat khang mite in lim a nget uh hangin, Pasian’ kamsangpa Jonah lim longal lim dang a kilak kei ding hi,” a cih khit ciangin tua mite’ omna pan a paikhia hi.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Mattiu 23:36

Ke’n aman takpi kong cih-inah, hih thu khempeuh in hih khang mite tungah a tung ding uh hi.”

Luka 11:32

Thu a khen ni ciangin Nineveh khua mite in tu-a khang mite langkhat ah ding-in a mawhsak ding uh hi. Bang hang hiam na cih uh leh, Jonah in thu a hilh manin amau mawhna a kisikkik uh hi. Hih lai takah Jonah sangin a lianzaw mi khat a om hi.”

Johan 3:31

A tung pan hong kumpa in na khempeuh tungah a uk hi. Leitungah a hong piang mi in leitung mi hi a, leitung thu a gen hi. Vantung pan hong paipa in na khempeuh tungah a uk hi.

Johan 4:12

Hih tuikhuk hong piapa leh, amah akipan a tate leh a ganhingte in a dawn uh i pu Jakob sangin na lianzaw hiam?” ci-in a dawng hi.

ROM (Romans) 2:27

Vun at lo mi in ama thuthuin Thukham a zuih leh, Lai Siangtho leh vun atna a nei napi-in Thukham a khial nangma tungah thu hong khen ding hilo ahi hiam?

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.