Mattiu 12:35 - Tedim Bible

³⁵ Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Tedim Bible Revision 2017

³⁵ Mihoihte in a hoih a khol teng suah khia a, migilote in gitlohna a khol teng a suah khia ahi hi.

Mattiu 12:35 Iomraidhean Croise

JOB (Job) 8:10

Amaute in nang hong hilhin, a thu hong genin, amau’ phawksa thute hong gen ding hilo ahi hiam?

Paunak 12:6

Migilote’ thugente in mi thahnopna bekbek hi a, midikte’ thugente in a lauhuai sunga om mite honkhia hi.

Paunak 15:23

A hun mah-a dawn’ pah theihna lungkim huai a, a kilawm kammal tawh dawn’ pah theihna hoihzaw kan hi.

Paunak 15:28

Mihoihte in a kampau ding ngaihsun phot a, migilote’ paupakna in thusia tawh kizom hi.

Paunak 15:4

Kamkhum in nuntakna piangsak a, kamsia in lung gimsak hi.

Mattiu 12:34

No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Mattiu 7:17

A kung hoih khempeuh in gah hoih a gah thei uh hi. Kung hoih lo in gah hoih lo a gah thei hi.

Luka 6:45

Miphate in ama lungsim sung sumkholna hoih sung pan a pha nate a pusuaksak hi. Mipha lote in a hoih lo sumkholna sung pan a pha lo nate a pusuaksak uh hi. Bang hang hiam na cih uh leh, tua pa’ lungsim a dim bangin a kam in a gen hi.”

Efesa 4:29

Nomau kam sungpan kam hoih lo khat beek pusuak kei hen. A za mite phattuamna a piang sak dingin, a sapna bangin a kipsak nadingin kam hoih na zang un.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Kolose 4:6

Mi khempeuh tungah bang ci dawn’ kik ding cih na theih nadingun, note kam in ci al bangin a al limna tawh dimin kilawm tawntung ta hen.