Mattiu 12:34 - Tedim Bible

³⁴ No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Tedim Bible Revision 2017

³⁴ Gul bangin ngian a zang note aw, migilo na hih uh ciangin bangci-in thuhoih gen thei mah ding na hi uh hiam? Bang hang hiam cih leh lungsim sunga thu om pen kam in a gen khia hi bek hi.

Mattiu 12:34 Iomraidhean Croise

Late 53:1

“Mihai mi in a lungsim sungah, Pasian om lo hi,” ci-in ngaihsun hi. Amaute sia uh a, a kihhuai gamta uh hi; a hoih-a gamta kuamah om lo hi.

Late 64:3

namsau banga a leii uh a tatte, thaltang banga thu hoih lo a ngimte,

Late 64:5

Amaute in a thusia ngaihsutna uh len kip uh hi; amaute in thang siahsim ding gen uh a, “Eite kua in hong mu ding ahi hiam?

Paunak 16:23

Mipilte in thu ngaihsun kawmin kam pau uh a, amau’ pauna zaknophuai semsem hi.

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Isaiah 32:6

Bang hang hiam cih leh mi hai in haina thu gen a, a lungsim ah gitlohna om a, a hoihin gamtat loh ding, Topa’ thu a hilopi-in gen ding, a gilkialte’ an duhna a phat lohna ding leh dangtakte in tui dawn ding a neih theih loh nadingin, ama lungsim in mawhna bawl ding sawm hi.

Isaiah 59:14

Thutang kihawlkhia a, thuman in hong naih thei lo hi. Mi honpite kikhopna munah thuman kizang lo a, thutang tum thei lo hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Mattiu 12:35

Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Mattiu 15:18

Kam sung pan a paikhiate in lungsim sung pan paikhia ahih ciangin mi a ninsak thei hi.

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Luka 3:7

Tua lai takin Johan in ama khut tungah kibaptaiz dingin hong pai mihonpite kiangah, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Luka 6:45

Miphate in ama lungsim sung sumkholna hoih sung pan a pha nate a pusuaksak hi. Mipha lote in a hoih lo sumkholna sung pan a pha lo nate a pusuaksak uh hi. Bang hang hiam na cih uh leh, tua pa’ lungsim a dim bangin a kam in a gen hi.”

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Efesa 4:29

Nomau kam sungpan kam hoih lo khat beek pusuak kei hen. A za mite phattuamna a piang sak dingin, a sapna bangin a kipsak nadingin kam hoih na zang un.

Efesa 5:4

A kilawm lo kihhuaina kam, a mawkna kam, amawkna kamsiate zong paaikhia un la, Pasian’ hehpihna phatna kamte zang un.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

1 JOHAN MASA 3:10

Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.

1 SAMUEL MASA 24:13

Taang-ate’ paunak in, ‘A gilote’ sung panin gitlohna hong piang,’ a cih mah bang ahi hi. Ahih hangin keima khut in nang hong hih lo ding hi.